Bejn il-Berġa ta’ Kastilja u l-Berġa tal-Baviera

auberge_de_castille_fullsizeAuberge de Baviere 2

Il-liġi tal-esproprijazzjoni tagħti l-poter lill-Gvern biex fejn ikun hemm interess pubbliku jieħu art jew propjetà u jagħti kumpens għalihom.

L-Awditur Ġenerali fir-rapport tiegħu dwar il-binja f’36 Triq iz-Zekka l-Qadima l-Belt Valletta jenfasizza li ma kien hemm l-ebda interess pubbliku fil-kaz. Allura l-Gvern ma kellu l-ebda awtorità li jixtri ż-żewġ ishma li xtara.

Il-fatt li xtara meta ma kellu l-ebda awtorità jfisser li abbuża mill-poter li tagħtih il-liġi. Għalhekk il-proċess kollu, mill-bidu sal-aħħar, li permezz tiegħu il-Gvern xtara total ta’ nofs il-binja 36 fi Triq iz-Zekka l-Qadima hu abbuż ta’ poter.

Min gawda minn dan l-abbuż?

Kien ikun għaldaqstant ferm iktar korrett kieku Joseph Muscat il-membru parlamentari ħarrek lil Joseph Muscat il-Ministru responsabbli mill-artijiet u jakkużah li l-Gvern tiegħu wettaq abbuż ta’ poter. Abbuż ta’ poter li seħħ bejn il-Berġa ta’ Kastilja, l-uffiċċju tal-Prim Ministru u l-Berġa tal-Baviera fejn hi amministrata l-propjetà tal-Gvern.

Advertisements

Michael Falzon vittma?

Michael Falzon 5

Qed jingħad li Michael Falzon hu vittma, għax kellu jirriżenja minkejja li ma għamel xejn ħażin. Huwa stess emfasizza li fl-ebda ħin ma ndaħal, la biex saru l-istimi u fl-ebda materja oħra konnessa mal-esproprijazzjoni.

Kull persuna politika f’kariga eżekuttiva trid iġġorr ir-responsabbiltà politika għall-ħidma tad-dipartimenti li jkunu responsabbli għalihom. Spiss insegwu politiċi jiftaħru bil-ħidma tad-dipartimenti differenti. Konferenzi stampa ma jispiċċaw qatt, artikli fl-ewwel paġna tal-gazzetti u xandir ta’ aħbarijiet fuq ir-radju u it-TV. Anke meta l-politiku ma jkun għamel xejn, jippretendi li jieħu l-mertu.

Bl-istess mod li l-politiku jieħu l-mertu meta l-ħidma tagħti riżultati tajbin irid jieħu t-tort meta l-effetti jkunu negattivi.

Il-politiku f’kariga eżekuttiva jkollu l-għajnuna fil-ħidma tiegħu. Din hi l-funzjoni tas-segretarjat privat tal-Ministri u s-Segretarji Parlamentari. Smajna tul il-ġimgħat li għaddew kif il-Ministri u s-Segretarji Parlamentari għandhom id-dritt li dawk ta’ madwarhom ikunu persuni li huma jkollhom fiduċja fihom. Il-ħatriet ta’ dawn il-persuni qrib il-politiċi spiss jirreferu għalihom bħala trusted persons li jokkupaw positions of trust. Il-Ministri u s-Segretarji Parlamentari għandhom bżonn madwarhom lil dawn il-persuni li fihom ikollhom fiduċja, biex ikollhom min jassistihom fit-twettiq tal-missjoni politika tagħhom. Dan jagħmluh billi jgħinu lill-Ministri u lis-Segretarji Parlamentari fit-twettiq tal-politika tal-Gvern, iżommuhom infurmati dwar x’ikun qed jiġri fid-Dipartimenti u Awtoritiajiet differenti u jagħtuhom il-pariri meħtieġa dwar dak li jinqala’ minn żmien għal żmien.

Allura l-mistoqsija li teħtieġ tweġiba mhiex jekk Michael Falzon kienx vittma, imma ta’ min kien vittma.

X’għamlu l-persuni ta’ fiduċja madwar Michael Falzon biex jassiguraw ruħhom li kien infurmat sewwa dwar id-deċiżjonijiet li kien mitlub jieħu dwar l-esproprijazzjoni ta’ 36 Triq iz-Zekka l-Qadima l-Belt Valletta? It-tweġiba issibuha fir-rapport tal-Awditur Ġenerali.

Insibu, per eżempju, fir-rapport tal-Awditur Ġenerali, li wieħed mill-impjegati fis-segretarjat privat ta’ Michael Falzon [li minn sorsi oħra jidher li kien magħruf bħala l-King tal-Lands, żagħżugħ ta’ 23 sena] akkumpanja lil Marco Gaffarena f’laqgħat fid-Dipartiment ma’ Direttur Ġenerali u Direttur li issa irriżenjaw. Imkien ma jidher li nżammu minuti ta’ dawn il-laqgħat. Għalhekk mhux magħruf x’intqal u x’ġie diskuss f’dawn il-laqgħat.

Il-persuni ta’ madwarek jistgħu jagħmlulek ġid kbir. Imma jistgħu ukoll ifarrkuk. Skond kemm ikunu kapaċi.

Ikun tajjeb kieku l-Ministri u s-Segretarji Parlamentari jifhmu li filwaqt li huwa sewwa li jkollhom il-persuni tal-fiduċja tagħhom madwarhom dawn għandhom ikunu kapaċi għal xogħolhom. Għax fl-aħħar dak li tiżra’ taħsad.

Imbagħad inutli toqgħod teqred li inti vittma.

Lil Michael Falzon qabżitlu ċ-ċinga

Michael Falzon-Resignation-200116

Wara li ħadet il-ġurament tal-ħatra, Deborah Schembri, Segretarju Parlamentari għall-Ippjanar u s-Simplifikazzjoni tal-Proċess Amministrattiv bdiet fuq nota tajba. Qalet li m’għandniex niżirgħu dubji dwar ir-rapporti tal-Awditur Ġenerali. Għandna l-obbligu li nitgħallmu minnhom. Huwa kumment f’waqtu u jpatti ftit għall-ħsara istituzzjonali bil-kummenti goffi ta’ Michael Falzon nhar l-Erbgħa hekk kif irriżenja minn Segretarju Parlamentari.

Falzon, li kien ilu jaqla’ ġo fih xhur sħaħ, żbroffa l-bieraħ meta xebbaħ partijiet mir-rapport tal-Awditur Ġenerali dwar l-esproprijazzjoni ta’ 36 Triq iz-Zekka l-Qadima l-Belt Valletta ma’ diskors tal-Kap tal-Opposizzjoni. Falzon soltu jkun meqjus fi kliemu, iżda l-bieraħ qabżitlu ċ-ċinga.

Huwa tajjeb li l-istituzzjonijiet nirrispettawhom. Meta naqblu mal-konklużjonijiet tagħhom ma hemm l-ebda diffikulta biex nuru dan ir-rispett. Ir-rispett reali nuruh meta l-konklużjonijiet ikun iebsa u jesponu d-difetti fit-tħaddim tal-amminstrazzjoni pubblika.

Huwa tajjeb li nifhmu lkoll li din hi l-funzjoni tal-Awditur Ġenerali : li jgħarbel il-ħidma u l-infieq tal-amministrazzjoni pubblika biex jassigura li flusna qed jiġu użati kif inhu xieraq. Il-ħidma tal-Awditur Ġenerali dejjem ser tkun ta’ kontroversja. Ġieli ftit u ġieli ħafna. Bil-fors irid ipoġġi subgħajh fuq il-feriti u d-dnubiet tal-amministrazzjoni pubblika. Jekk ma jagħmilx dan ikun qiegħed hemm għalxejn.

Ikun xieraq li napprezzaw il-ħidma tiegħu għax, kif ngħidu, hi dejjem ħidma għat-telgħa. Għalhekk il-kumment ta’ Deborah Schembri l-bieraħ kif floku. Huwa tajjeb li jkun hemm min jisma’ aħjar x’għandu xi jgħid l-Awditur Ġenerali. Huwa b’hekk li jista’ jkollna amministrazzjoni pubblika li tagħti servizz aħjar, lil kulħadd.

Il-Munxar: daqqa ta’ ħarta oħra

Munxar.Marsaskala

 

L-applikazzjoni quddiem il-MEPA biex jinbena villaġġ agro-turistiku fil-Munxar hi daqqa ta’ ħarta oħra għall-ambjent f’Malta.

Għalkemm hi area li tul is-snin saritilha xi ħsara, xorta hi żona li għadha fi stat li tista’ tkun salvata. Hi żona fejn l-eko-sistema hi ħajja u għandha tkun protetta.

Din l-applikazzjoni saret minn individwu privat imma d-Direttur tal-Ippjanar il-bieraħ f’intervista waqt aħbarijiet diġa qal li din l-applikazzjoni hi “a non-starter”. Hi applikazzjoni li hi oġġezzjonabbli fil-prinċipju u dan għax tmur kontra numru mhux żgħir ta’ policies tal-ippjanar.

Dan li jiġri meta l-Gvern jagħti eżempju ħażin. Ikun hemm min jitħajjar.

 

Il-perżut ma jaqtax l-għatx

Thinly sliced ham on a chopping board

Dawk li jsejħu lilhom infushom “patrijotti” ipprotestaw billi għażlu l-għodda tal-insult. Lill-Musulmani li kienu qed jitolbu fl-Imsida fil-pjazza quddiem il-Knisja ippruvaw jipprovokawhom billi qassmu l-ħobż bil-perżut.

Missirijietna dejjem ittrattaw lil min ġie fi gżiritna b’ospitalità. Dak hu valur ewlieni li għaddewlna, imma l-hekk imsejħa “patrijotti” dan ma tantx jogħġobhom. Ma jogħġbuhomx dawk b’kulur jew twemmin differenti. Id-differenza tbeżżagħhom.  Biża’ li hi mnissla mill-injoranza.

M’għandhomx idea li l-parti l-kbira tagħna l-Maltin aħna imnisslin mill-ġnus kollha, mhux biss dawk max-xtut tal-Mediterran. Bħala poplu aħna taħlita. Mhux biss. Kif skopra fir-riċerka tiegħu l-istoriku l-Professur Godfrey Wettinger, missierijietna mhux dejjem kienu insara. Kien hemm żmien meta l-Maltin kienu jħaddnu r-reliġjon Islamika. Ir-reliġjon nisranija, fil-fatt, m’għandhiex għeruq daqstant fil-fond f’pajjiżna minkejja dak kollu li għallmuna!

Jagħmlu tajjeb il-“patrijotti” kieku jifhmu li fost il-valuri tal-Maltin, insara u m’humiex, hemm is-solidarjetà u t-tolleranza. Valuri li sfortunatament dawn il-“patrijotti” m’għandhomx idea tagħhom.

Fil-maġġoranza tagħna aħna poplu demokratiku li nirrispettaw il-fehmiet tal-oħrajn.

Għaliex għandek ixxerred il-mibgħeda fil-konfront ta’ min qiegħed ifittex post fejn jitlob? Tafu li dawn qed jitolbu fil-beraħ għax ma ħallewhomx jibqgħu jitolbu fil-garaxxijiet fejn kienu qed jitolbu? Minn meta ‘l hawn it-talb fil-beraħ sar oġġezzjonabbli?

Din l-intolleranza li qed terfa’ rasha tmur kontra l-valuri kollha tal-poplu Malti. M’għandha x’taqsam xejn mal-patrijottismu iżda mar-razzismu. Il-poplu Malti mhux poplu razzist.

Ir-razziżmu jxerred il-mibgħeda. Il-mibegħda hi mibnija fuq l-injoranza.  Dan l-għatx għall-mibgħeda hu misqi mill-injoranza : hu għatx li l-ebda perzut mhu ser jaqtgħu.

Il-kredibilità tal-PN dwar l-ambjent

credibility

Illum ġiet fi tmiemha l-konvenzjoni tal-PN dwar l-ambjent.

Ma nafx kif uħud bħal George Pullicino ma stħawx ikunu hemm. Bosta minn dawk li bħal Pullicino kienu l-kawża tal-ħsara ambjentali, sfortunatament   għadhom mas-saqajn.

Kif rappurtat fl-istampa, naħseb li l-iktar kumment bis-sens f’din il-konvenzjoni kien dak ta’ Antoine Vella li emfasizza li l-Partit Nazzjonalista għandu jkun lest li jitlef il-voti jekk inhu konvint li jeħtieġ li jieħu posizzjoni ta’ prinċipju favur l-ambjent.

M’għandix dubju, imma, li l-PN għandu idea differenti minn din: minkejja dak li għamel  fil-passat bi ħsara ambjentali, jaħseb li jista’ jibqa’ jlablab, u qiesu ma ġara xejn.

Il-PN, għall-konvenjenza tkellem kontra l-iżvilupp li l-Gvern qed jipproponi fiż-Żonqor, imma fl-istess ħin hu favur li tinbena l-korsa tat-tlielaq tal-karozzi li ser tibla iktar minn miljun metru kwadru ta’ art ODZ.

Il-konsistenza qatt ma kienet xi karatteristika tal-Partit Nazzjonalista. Għalhekk m’għandux kredibiltà dwar l-ambjent.

Il-PN u Anġelik f’Borġ in-Nadur

Angelik-Caruana

Il-Partit Nazzjonalista għaddej minn proċess diffiċli. Irid jipprova jikkonvinċi lilu innifsu u lill-oħrajn li nidem mill-ħsara kbira li għamel lill-ambjent tul il-25 sena (jew kważi) li għamel fil-Gvern.

Sal-lum, id-difiża tal-PN dejjem kienet li ħaddieħor għamel (u għadu jagħmel) ħafna agħar minn hekk. Imma dak l-argument (anke jekk għandu mill-verita) ma kkonvinċa lil ħadd.

Issa ser jorganizzaw Konvenzjoni “Idea Ambjent” biex jisimgħu ftit.

Li tisma’ hu dejjem tajjeb. Hu dejjem pass il-quddiem. Għax dejjem hemm iċ-ċans li titgħallem ftit.

Imma inti u tipprova tifhem u titgħallem ikollok bżonn tiftakar ukoll dak li għamilt diġa b’mod partikolari kif dan jikkuntrasta ma dak li qed tgħid illum.

Jiena nieħu pjaċir li l-PN qed jgħid li għandu jagħti iktar kaz tal-ambjent għax ifisser li l-ħidma ta’ Alternattiva Demokratika qed tagħti ħafna iktar frott milli jidher mad-daqqa t’għajn. Imma sfortunatament mhux l-ewwel darba li ntqal dan il-kliem. Intqal ħafna drabi oħra biex jimpressjona. Għax mir-retorika l-PN qatt ma kien nieqes.

Tiftakru id-diskors mit-Tron li kien qara l-President Eddie Fenech Adami f’Mejju 2008 fejn kien qal li l-Gvern (immexxi mill-PN) ser ipoġġi l-iżvilupp sostenibbli bħala l-pedament tal-ħidma kollha tiegħu? Kien qal hekk :

“ ……………. il-Gvern qiegħed jipproponi li jimplimenta programm politiku li jkollu l-iżvilupp sostenibbli bħala l-fus ċentrali li madwaru jdur kollox.

Għall-Gvern, it-tħaddim tal-proġett ta’ żvilupp sostenibbli hu proposta ta’ għażla fondamentali mill-poplu Malti u Għawdxi.  Hija għażla konxja li f’kull deċiżjoni ma nqisux biss l-interessi immedjati tagħna, iżda wkoll dawk tal-ġenerazzjonijiet futuri.”

L-anqas laħqet nixfet il-linka fuq il-karta tad-diskors mit-tron li l-PN beda proċess biex il-Kummissjoni Nazzjonali għall-Iżvilupp Sostenibbli tispiċċa. Il-Kummissjoni kienet il-fus li fuqu u permezz tiegħu kienet qed tkun implimentata l-iktar parti importanti tal-proċess tal-żvilupp sostenibbli: id-demokratizzazzjoni tiegħu. Il-PN wara li ma ħallihiex tiltaqa’ għal ħames snin sħaħ xolja din il-Kummissjoni.

Komplejna pass pass bil-ħsara ambjentali ma tispiċċa qatt, li dwarha ktibt diversi drabi fuq dan il-blogg.

Il-PN, jgħidulna, irid jibda paġna ġdida. Għandu kull dritt li jagħmel dan, imma l-paġni l-oħra, irid u ma jridx ser jibqgħu hemm. Kull waħda minnhom tfakkarna u tikkuntrasta mal-fantasiji li qed jipprietka l-PN illum.

Għax jekk ninsew il-bieraħ, il-prietki tal-PN tal-lum ikunu qieshom il-prietki ta’ Anġelik f’Borġ in-Nadur: il-ħrejjef ta’ min irid ibella r-ross bil-labra.

L-awtonomija amministrattiva tal-Parlament

Malta Parliament

 

Il-Parlament jerġa’ jiltaqa’ llum, wara l-waqfa għall-btajjel tal-Milied.

Fuq quddiem fl-aġenda tal-lejla hemm għad-diskussjoni abbozz ta’ liġi dwar is-servizz Parlamentari. Permezz ta’ din il-liġi, meta tkun approvata, l-Parlament ser jingħata l-awtonomija amministrattiva.

Din hi inizjattiva li ilha li bdiet is-snin, miż-żmien li kien Speaker Anton Tabone, imma ngħatat spinta kbira mill-iSpeaker Michael Frendo. L-iSpeaker attwali Anġlu Farrugia wassal il-proposta sal-punt tal-lum.

L-abbozz ta’ liġi jipprovdi għall-ingaġġ tal-impjegati tal-Parlament, li ser jkun separat minn dak tas-servizz pubbliku, kif ukoll jipprovdi għal budget tal-Parlament li jkun wieħed approvat mill-Parlament separatament mill-budget normali.

F’Settembru 2012, Tonio Borg li dakinnhar kien Ministru għall-Affarijiet tal-Parlament kien ħareġ White Paper intitolata : Il-Parlament Malti: Iktar Awtonomija Iktar Responsabbiltà.

L-awtonomija amministrattiva tal-Parlament hi pass fid-direzzjoni tajba. Xi darba ma tafx kif, forsi jirrealizzaw ukoll li ilu li wasal iż-żmien li l-membri parlamentari jeħtieġ li jkunu kollha fulltimers.

Imma issa drajna nimxu bil-mod. Fl-aħħar imma naslu ukoll!

Cry of the Earth, Cry of the Poor

 laudato_si_    Cry of the Earth

 

This is the title of Leonardo Boff’s seminal work on the inextricable link between social justice and environmental degradation, originally published in 1995.  Earlier, during the 1972 UN Human Environment Conference in Stockholm, it was also the rallying cry of India’s Prime Minister  Indira Gandhi who, on behalf of the developing world, forcefully insisted that poverty was inextricably linked with environmental degradation.  In Stockholm Mrs Gandhi had emphasised that “the environment cannot be improved in conditions of poverty  –  how can we speak to those who live in villages and slums about keeping the oceans, the rivers and the air clean, when their own lives are contaminated at the source?”

This is also the underlying theme of the encyclical Laudato Sì published by Pope Francis last June. It is not just a seasonal Latin American flavour at Vatican City.  The earth’s tears are continuously manifested in different ways depending on the manner in which she is maltreated .

Environmental degradation has a considerable impact on the quality of life of  us all except, that is, for the quality of life of  the select few who pocket the profits by appropriating for themselves advantages (economic or otherwise) and lumping the negative impacts on the rest.

Environmental degradation is an instrument of social injustice. Consequently, enhancing the protection of the environment is also essential to restore social justice.

The water table is subject to continuous daylight robbery: over the years it has been depleted by both authorised and unauthorised water extraction.  What is left is contaminated as a result of the impact of fertilisers as well as surface water runoff from the animal husbandry industry. Theft and acute mismanagement  are the tools used in the creation of this injustice.

The Malta Freeport has been quite successful over the years in contributing to economic growth and job creation. The price for this has, however, been paid by Birżebbuġa residents – primarily through being subjected to continuous noise pollution on a 24/7 basis. Various residential units in the area closest to the Freeport Terminal are vacant and have been so for a considerable time. A noise report commissioned as a result of the conditions of the Terminal’s environmental permit will be concluded shortly. Hopefully, the implementation of its conclusions will start the reversal of the Freeport’s negative impacts on its neighbours.

The Freeport, together with various fuel storage outlets, the Delimara Power Station (including the floating gas storage facility which will soon be a permanent feature) as well as fish-farms have together definitely converted Marsaxlokk Bay into an industrial port. As a result of various incidents during 2015, spills in Marsaxlokk Bay signify that Pretty Bay risks losing its title permanently.   Fortunately, Birżebbuġa residents have been spared additional impact originating from minor ship and oil-rig repairs after they reacted vociferously to a decision by the MEPA Board to permit such work at the Freeport Terminal.

Public Transport has made minor improvements but nowhere near what is required. It is essential that Malta’s congested roads are mopped up of the excessive number of cars. Improving the road infrastructure will just make it easier for more cars to roam about in our roads, thereby increasing the scale of the problem.  The major consequences are a reduced ease of access and the deterioration air quality.

We will soon be in a position to assess the impact of two other major projects: a business hub at the Malta International Airport as well as a car-racing track with various ancillary facilities. The former will take up land at the airport carpark but will have considerable impact on the surrounding villages. The car-racing track may take up as much as 110 hectares of land outside the development zone and have a considerable impact on both nature and local residents in the areas close to where it will be developed.

The list of environmental impacts that we have to endure is endless.

I could also have included the impact of the Malta Drydocks and the consequent squeezing out of residents from the Three Cities as a result of its operations, primarily as a result of sandblasting, in the 1970s and 1980s. I could also have added the impact of the waste recycling plant at Marsaskala and the refusal of the authorities to finance studies on the impact of its operations on the health of residents, or else the impact of the operation of petrol stations close to and within various residential areas.

The size of the Maltese islands is limited. A number of the abovementioned  activities/developments  are essential, but others are not. However, it stands to reason that we should not bear the brunt of non-essential activities or developments. This should lead us to plan more carefully so that  the impacts of the activities that are essential are adequately addressed.

As evidenced by the above list, unfortunately over the years those taking decisions betrayed their responsibilities towards the common good, seeking, instead the interests of the select few thereby compounding social injustices.

This is Malta’s contribution to the accumulated tears of Mother Earth.

 

published in The Malta Independent on Sunday : 10 January 2016

Is-sejħa għar-riżenja tal-Ministru Carmelo Abela

Carmelo-Abela-new-Home-Affairs-Minister

Permezz ta’ Beppe Fenech Adami, l-Opposizzjoni qalet li l-Ministru Carmelo Abela għandu jirreżenja, u dan għax il-mewt b’suwiċidju li seħħet illum fl-isptar Monte Carmeli hi xhieda tal-inkompetenza tiegħu. Iktar u iktar, qal Beppe Fenech Adami, għax din hi t-tielet mewt ta’ persuna miżmuma taħt kustodja f’dawn l-aħħar xhur.

Il-mewt taħt dawn iċ-ċirkustanzi hi ta’ tħassib kbir. Peró naħseb li Beppe f’dan il-kaz għaġġel ftit biex wasal għall-konklużjoni li hu neċessarju li jirreżenja l-Ministru.

Infetħu żewġ inkjesti dwar il-kaz u naħseb li kien ikun iktar għaqli li nistennew il-konklużjoni tagħhom qabel ma nikkonkludu eżattament x’ġara kif ukoll dwar jekk kienx hemm min (b’li għamel jew b’li m’għamilx) ikkontribwixxa għal din il-mewt.

F’dawn iċ-ċirkustanzi hu primatur li ssir sejħa għal riżenja.

Hemm ukoll il-periklu li s-sinifikat politiku tar-rizenja jkun żvalutat jekk jibqgħu jsiru dawn it-tip ta’ sejħiet ta’ spiss.  Fil-kultura politika Maltija r-riżenja politika qatt ma rabbiet egħruq fondi. Din m’hiex xi attitudi li faqqset illum iżda ilha magħna s-snin. Hu għalhekk iktar għaqli li ssir insistenza biex l-inkjesti jkun konklużi fl-iqsar żmien li hu umanament possibli, u dan biex meta jkunu magħrufa l-konklużjonijiet  ikun stabilit min għandu jerfa’ r-responsabbiltà.