Il-faċċata tal-Berġa ta’ Kastilja għamluha passatur biex jgħaddu ruxxmata wires ħalli jdawwluha. Il-ħsara li saret lill-faċċata, wara li intefqgħu flejjes kbar biex ġiet irrestawrata matul dawn l-aħħar snin hi enormi.
Din il-ħsara hi falliment ieħor tal-awtoritajiet regolatorji li m’humiex kapaċi jħarsu l-wirt storiku li għandna. Dak li hu tagħna lkoll iqesuh tagħhom biss.
Kif nippretendu li s-settur privat jieħu ħsieb il-wirt storiku li għandu f’idejh jekk il-Gvern ħlief ħsara ma jagħmilx?
Għax ir-responsabbilta tal-Gvern hi waħda doppja: l-ewwel għax hu l-klijent u t-tieni għax fl-aħħar ir-regolaturi jirrappurtaw lilu.
Blog ta' Carmel Cacopardo 