Bejn prinċipji u strateġija

 Jeremy Corbyn PMQT

 

L-elezzjoni ta’ Jeremy Corbyn bħala mexxej tal-Partit Laburista Ingliż heżżet mill-qiegħ il-politika Inġliża. Ħolqot ukoll dibattitu dwar kemm jagħmel sens għal-laburiżmu Inġliż li jagħti iktar każ tal-egħruq tiegħu ħafna iktar milli għamel sal-lum.

F’nofs il-kampanja għall-mexxej laburista, seħħ fatt li kellu impatt mhux żgħir fuq il-kampanja. Il-Gvern Ingliż ressaq għad-diskussjoni fil-House of Commons liġi dwar is-serviżżi soċjali imsejħa l-Welfare Bill.   L-aġent mexxej tal-Laburisti Ingliżi, Harriet Harman, tat direttiva lill-grupp parlamentari biex jastjeni meta issr il-votazzjoni fl-istadju tat-tieni qari. L-abbozz ta’ liġi hi parti minn strateġija tal-Gvern konservattiv Ingliż biex jibda jżarma l-welfare state. Il-partit laburista Ingliż ħassu f’morsa.

Imma 48 mill-Membri Parlamentari Laburisti sfidaw id-direttiva tal-Partit tagħhom u xorta ivvutaw kontra. Fosthom kien hemm Jeremy Corbyn, l-unika wieħed mill-erba’ kandidati għat-tmexxija li għamel hekk. L-oħrajn baxxew rashom.

Ma kinitx l-ewwel darba għal Jeremy Corbyn li rribella u għamel ta’ rasu waqt votazzjoni. Milli qrajt, din l-istorja għamilha madwar 533 darba kemm ilu membru parlamentari, f’mumenti fejn fuq punt ta’ prinċipju dehrlu li kellu jivvota differenti.

Il-Partit Laburista Ingliż issa huwa mmexxi minn ribell. Għax irribella kull meta l-kuxjenza iddettatlu linja differenti minn dik tal-partit, Corybn hu bniedem li japprezza iktar il-valur tad-diskussjoni interna fil-partit. Diskussjoni li tibda mill-egħruq u titla’ l-fuq ftit ftit sakemm twassal għal deċiżjoni. Dan jikkuntrasta ħafna mal-mod kif ħafna drabi jittieħdu d-deċiżjonijiet fil-politika: jittieħdu fuq nett, u jkunu imposti fuq l-egħruq.

Dan kollu jagħti kredibilità ikbar lil Jeremy Corbyn fl-argumenti li żviluppa waqt il-kampanja għat-tmexxija dwar il-ħtieġa ta’ demokratizzazzjoni ikbar tal-partit. Irnexxielu jimmotiva ħafna nies u kulħadd jattribwixxi lilu, l-mewġa kbira ta’ membri ġodda li resqu lejn il-Partit Laburista Ingliż f’dawn l-aħħar ġimgħat.

Dawn huma kollha persuni li emmnu li Jeremy Corbyn irid li l-Partit Laburista Ingliż, ikun il-partit li jismagħhom kif ukoll li jkun il-vuċi tagħhom. Wegħda li irnexxielu jimplimenta fl-ewwel ġranet tiegħu bħala mexxej bil-mod sempliċi imma dinjituż kif ħa sehem fil-Prime Minister’s Question Time nhar l-Erbgħa. Irċieva ‘il fuq minn 40,000 e-mail bi proposti u mistoqsijiet li minnhom għażel sitta dwar temi ta’ politika soċjali attwali fir-Renju Unit.

Corbyn ġie elett għax wassal messaġġ ċar dwar l-awtentiċità politika tiegħu: li hu jaġixxi skond dak li jemmen u mhux skond kif jaqbel.

Il-Partit Laburista Inġliż għandu dilemma li għadu ma sabx mod kif isolviha mingħajr ma jxellef dak li jemmen. Ix-xellug Ingliż hu maqsum u huwa rappreżentat minn diversi partiti. Dan hu ppenalizzat mis-sistema elettorali Ingliża tal-first past the post, fejn il-Ħodor, per eżempju, kisbu miljun vot, imma siġġu parlamentari wieħed fil-waqt li l-partit skoċċiż SNP b’ftit inqas minn miljun u nofs vot ikkonċentrati fl-Iskozja rebħu 56 siġġu parlamentari.

Rapport dwar l-elezzjoni ġenerali Ingliżi ta’ Mejju li għadda ippubblikat din il-ġimgħa u intitolat “Learning the right lessons from Labour’s 2015 defeat” jidentifika, fost l-oħrajn, li l-voti li l-Labour Ingliż rebaħ f’xi kostitwenzi mingħand kandidati liberali swew biex dawn tilfu s-siġġu u dan intrebaħ mill-Partit Konservattiv. Dan ġara f’numru ta’ kostitwenzi u spiċċa biex dgħajjef lill-allejati potenzjali tal-Partit Laburista Ingliż.

Dan trid tarah fid-dawl tar-riżultati elettorali miksuba tul is-snin fejn qabel ma tfaċċa Tony Blair, il-Labour Ingliż, meta rebaħ, għamel dan bit-tqanżieh. Blair kien rebaħ b’mod komdu tlett elezzjonijiet wara xulxin. Dan sar għax Blair trasforma l-Partit Laburista Ingliż minn wieħed ibbażat fuq twemmin soċjalista għal wieħed fejn iktar ta’ importanza lill-politika neo-liberali b’mod li għal żmien mhux qasir, ma kienx jingħaraf mill-Partit Konservattiv Ingliż. Fi ftit kliem, bosta jqiesu li l-Partit Laburista Ingliż fi żmien Tony Blair biegħ ruħu.

Din hi l-bidla mill-qiegħ li tfisser l-elezzjoni ta’ Jeremy Corbyn. Il-Partit Laburista Ingliż irid ruħu lura!

L-ideat ta’ Corbyn ġew imfissra min uħud bħala li jikkundannaw lill-Partit Laburista Ingliż għal snin twal fl-Opposizzjoni. Għax għal dawn, dak li temmen huwa sekondarju. L-importanza hi fl-istrateġija, fis-soundbites u fil-komunikazzjoni orkestrata u mhux fl-awtentiċità politika tat-tmexxija.

Issa ma rridx li ninftiehem ħazin: il-metodu kif il-politiku jikkomunika huwa importanti ħafna. Peró m’għandux u qatt mhu meħtieġ li jkunu sagrifikati l-prinċipji fuq l-altar tal-popolarità.

Din hi l-isfida li għandu quddiemu Jeremy Corbyn. Iżda hi sfida li jista’ jegħliba minkejja l-antagoniżmu tal-grupp parlamentari li hu mdawwar bih. Iċ-ċavetta jsibha, mhux biss fl-għeruq tal-partit li tawh l-appoġġ massiċċ tagħhom imma ukoll billi jibni pontijiet ma dawk il-partiti politiċi li jqarrbu l-iktar lejn l-ideat u l-idejali tiegħu. Għax hu possibli li l-prinċipji u l-istrateġija jimxu id f’id.

 

ippubblikat fuq Illum, il-Ħadd 20 ta’ Settembru 2015

Iċ-ċaħda ma ssolvi xejn: kun trasparenti

 

il giornale 170915

 

Il-gazzetta Taljana Il-Giornale tal-Ħamis 17 ta’ Settembru qabdet ma kelmtejn li qal il-Ministru tal-Intern Malti Carmelo Abela u waslet għal konklużjoni li hemm ftehim sigriet bejn Malta u l-Italja li permezz tiegħu l-Italja iġġorr il-piz tal-immigranti f’dawn l-ibħra u min-naħa l-oħra Malta ser tagħlaq għajnejha għall-esplorazzjoni għaż-żejt mill-Italja f’żoni fejn dan hu ikkontestat.

Il-Gvern Malti ċaħad li hemm dan il-ftehim. Tajjeb li saret din iċ-ċaħda, għax ngħid il-verità jiena ukoll rajtha ftit imġebbda. Għax kieku dan kien minnu kien ikun ġustifikat li l-Gvern jiġi akkużat bi tradiment. Imma ma naħsibx li hu l-każ.

Minkejja dan, iżda, ċ-ċaħda ftit li xejn ser issolvi. Għax hu ovvju li xi tip ta’ ftehim hemm. Anke jekk hu ftehim li hu biss wieħed ibbażat fuq il-ħbiberija.

Kien ikun tajjeb kieku l-Gvern, apparti ċaħda, ippubblika d-dokumentazzjoni li għandu dwar l-arranġamenti li wasal għalihom mal-Gvern Taljan.

Għax ngħiduha kif inhi, kemm Joseph kif ukoll uħud mill-Ministri ta’ madwaru iħobbu jiżolqu biex jevitaw milli jagħtu l-informazzjoni. F’materja sensittiva bħal din, għaldaqstant iċ-ċaħda ftit li xejn ser issolvi.

Is-sejħa li nagħmel lil Gvern hi waħda: poġġi l-karti kollha fuq il-mejda, illum qabel għada. Kun trasparenti.

Il-qerda tal-għasafar protetti tkompli

160915_BirdLife staff with 3 shot birds

 

Nhar l-Erbgħa il-BirdLife Malta ġabret tliet għasafar protetti midruba – Russett Aħmar (Purple Heron), Bagħdan Aħmar (Marsh Harrier) u Gamiema tal-Kullar (Collared Dove). It-tliet għasafar kienu rraportati minn membri tal-pubbliku u kkonfermati minn veterinarju li soffrew feriti kaġun ta’ tiri ta’ senter.

Ir-Russett Aħmar li instab fl-inħawi ta’ Mġarr ix-Xini f’Għawdex, kellu ksur fil-ġewnaħ tax-xellug u kellu jitraqqad kawża tal-feriti li ġarrab.

Bagħdan Aħmar inġabar minn Birzebbuga b’ferita fil-ġewnah tal-lemin. Ritratt bl-X-ray ikkonferma li l-għasfur kellu ferita qadima fil-ġewnaħ tax-xellug li kienet fieqet, madankollu ġarrab ferita friska minn tir ta’ senter li kkawza ksur fil-ġewnaħ tal-lemin u ħalla diversi ċomb f’ġisem l-għasfur. Il-Bagħdan ġie mgħoddi lill-puluzija tal-ALE.

Kemm il-Bagħdan Aħmar, kif ukoll ir-Russett Aħmar huma żewġ speċi fost li jaqgħu taħt Anness 1 tad-Direttiva tal-Għasafar u li għandom l-ogħla forma ta’ ħarsien.

Gamiema tal-Kullar, tajra oħra protetta, instabet fil-Madliena b’ ferita fil-ġewnaħ tax-xellug ukoll kaġun ta’ tir ta’ senter. L-għasfur qiegħed jingħata l-kura meħtiega.

 

Dawn l-inċidenti jġibu għal 4 t-total ta’ għasafar midruba kawża ta’ kaċċa llegali li l-BirdLife Malta ġiet mgħodija minn membri tal-pubbliku. Il-BirdLife Malta tisħaq li dawn l-inċidenti huma indikazzjoni tal-ammont ta’ kaċċa llegali li qed isseħħ f’dawn iż-żminijiet b’diversi tajr protett ieħor maqtul li ma jiġix irrapportat. Il-BirdLife tixtieq tfakkar lil membri tal-pubbliku biex jirraportaw kaċċa llegali lill-pulizija fuq 119 jew lill-għaqda fuq 21347644.

(test meħud minn stqarrija ta’ Birdlife Malta li ħarġet il-bieraħ)

Bebbux u bigilla għal La Valette

La Valette . bigilla 

 

Fi Frar li għadda s-Sindku tal-Belt Valletta kien insista li l-kiosk tal-hamburgers ma kienx postu ħdejn l-istatwa ta’ La Valette.  Għamel sewwa li nsista li jitneħħa. Anke l-Partit Nazzjonalista, dakinnhar kien tkellem kontra l-presenza ta’ dan il-kiosk f’parti daqshekk sensittiva tal-Belt kapitali.

Issa bil-villaġġ tal-festi tal-Indipendenza li qed jintrama’ mill-Partit Nazzjonalista fid-daħla tal-Belt, La Valette mhux biss hamburgers ser ikollu, imma ravjul, bigilla u bebbux ukoll.

Fejnu s-Sindku tal-Belt Valletta issa?  

 

 

 

 

 

Uħud mill-kaċċaturi ma jridux jitgħallmu

2015.09.14_Honey Buzzard_Injured_Shot

Bdejna bl-ewwel inċidenti tal-istaġun tal-kaċċa fil-ħarifa.

Nhar it-Tnejn 14 ta’ Settembru kellna l-ewwel rapport ta’ sparer fuq kuċċard (honey buzzard) bil-qtil u l-feriment ta’bosta għasafar.

Sadanittant illum fil-Qorti kaċċatur mis-Sannat ta’ 21 sena instab ħati li fi Frar li għadda kellu fil-pussess tiegħu żewġ għasafar protetti. Il-Maġistrat waħħlu multa ta’ €8,000 u ħadlu l-liċenzja tal-kaċċa għal dejjem.

Uħud forsi jqiesu din sentenza iebsa (għax il-Qorti ħaditlu l-liċenzja tal-kaċċa għal dejjem). Naħseb li mhux iebsa biżżejjed.

Il-qtil tat-tajr protett hi materja serja ħafna għax dan it-tajr hu fil-periklu li jinqered. U meta jkun inqered, ma jiġix lura. Hemm bżonn li dawk il-ftit kaċċaturi li ma jrid jitgħallmu b’xejn u ser jibqgħu jisparaw bl-addoċċ iduqu ukoll ftit ħabs.

Terrimot fil-Partit Laburista

Jeremy Corbyn 2

 

Infqajt nidħaq nisma’ lil Aaron Farrugia, Chairman tal-Fondazzjoni Ideat tal-Partit Laburista ta’ Malta, jipprova jispjega waqt l-aħbarijiet fuq Super One (is-Sibt fil-għaxija) għaliex ġie elett Jeremy Corbyn bħala l-mexxej il-ġdid tal-Partit Laburista Ingliż.

Semma kull raġuni possibli, minnbarra r-raġuni rejali: li Jeremy Corbyn ma jagħmilx kompromessi ma dak li jemmen fih. Kienet l-awtentiċità ta’ Corbyn il-kawża ewlenija tat-terrimot li l-effetti tiegħu għadhom jibdew. Corbyn kien l-unika wieħed mill-kandidati li kien soċjalista u ma jistħix jgħid li hu hekk. Naħseb li Aaron ħassu ħafna imbarazzat li jgħid li osserva dan, ħaga li probabbilment ilu ħafna jinnota ukoll fil-Headquarters tal-Ħamrun.

Fil-bidu tal-kampanja għat-tmexxija tal-Partit Laburista Ingliż fil-Parlament, għall-ħabta ta’ nofs Lulju, il-Gvern Ingliż ressaq abbozz ta’ liġi biex inaqqas il-benefiċċji soċjali. Tlieta mill-kandidati għat-tmexxija Laburista, dakinnhar astjenew fil-votazzjoni. Kien Jeremy Corbyn l-uniku wieħed mill-erba’ kandidati li ivvota kontra dan l-abbozz ta’ liġi.

Rebħa bi kważi 60% tal-voti ma l-ewwel għadd m’hiex ċajta. Id-distakk bejn Jeremy Corbyn u Andy Burnham kienet ta’ tlett darbiet (Burnham ma qabiżx l-20%). L-oħrajn ġiebu inqas!

Il-kampanja għat-tmexxija tal-Partit Laburista Ingliż uriet li hemm distakk kbira bejn dak li jaħsbu l-membri tal-partit u dak li jaħsbu l-Membri Parlamentari tal-istess partit. Bħala riżultat tal-elezzjoni ta’ Jeremy Corbyn diversi membri ewlenin tal-grupp parlamentari ippreferew li jwarrbu jew ma jaċċettawx posizzjoni fis-Shadow Cabinet. Dan ingħata prominenza fil-gazzetti Ingliż matul il-jum tal-bieraħ. Fatt li jista’ joħloq diffikultajiet għal Corbyn mhux biss ta’ natura temporanja.

M’huwiex faċli tgħid kif ser jiżviluppaw l-affarijiet. L-ikbar ostaklu għal Corbyn m’huwiex il-Gvern konservattiv, iżda “sħabu” fil-grupp Parlamenti.

Fil-ġimgħat li ġejjin hemm ippjanati sfidi kbar. Fosthom liġi li tikontrolla lit-Trade Unions u li tfittex ukoll li tnaqqas sostanzjalment il-finanzjament tal-Partit Laburista Ingliż mill-istess Trade Unions. Hi imminenti ukoll deċiżjoni mill-House of Commons dwar l-armamenti nuklejari Inġliżi.

Ser ikunu ġimgħat li fihom nosservaw kemm hu possibli li f’partit politku jikkoeżistu veduti radikalment differenti fuq ħafna affarijiet : fuq l-Unjoni Ewropeja, fuq in-NATO, fuq l-armamenti nuklejari, fuq l-awsterita, fuq l-użu tal-forza militari bħala għodda għall-politika barranija ……………. Kollha materji li dwarhom ftit kien hemm x’tagħżel fil-passat riċenti bejn in-New Labour u l-Konservattivi.

Minn tmiem il-ġimgħa in-New Labour fir-Renju Unit spiċċa. Dawk li sa ftit ġranet ilu kienu meqjusa bħala r-ribelli issa qegħdin fit-tmexxija, u dawk li kienu qed jinsistu fuq il-lealtà lejn it-tmexxija issa qegħdin minn taħt. Id-demokratizzazzjoni tal-partit ser tkun iċ-ċavetta biex il-Partit Laburista Ingliż ma jibqax jistħi jgħid li hu soċjalista. Kollox jiddependi minn kemm l-entużjażmu li nisslet il-kandidatura ta’ Corbyn jibqa’ ħaj fl-egħruq tal-partit. Jekk dan jibqa’, Corbyn ikompli biex jittrasforma l-Partit Laburista Ingliż in konformità mat-twemmin tiegħu. Jekk le, il-partit jerġa’ lura biex ikun kopja tal-konservattivi.

 

Sandro favur l-ambjent

sandro chetcuti

Hekk qalilna l-bieraħ f’kumment li ta lis-Sunday Times dwar l-applikazzjoni tal-Lidl għal supermarket ieħor, din id-darba mal-bypass ta’ B’Kara.

Ovvjament emmen jekk trid.

Għax issa hi moda li kulħadd jitkellem favur l-ambjent u l-iżvilupp sostenibbli.  Imma eżattament dwar x’jifhmu b’dan kollu, dik storja oħra.

Għax, fi kliem li jifhmu kulħadd, l-iżvilupp ikun sostenibbli meta jħares fit-tul. L-iżvilupp ikun sostenibbli meta jassigura li d-deċiżjonijiet li nieħdu illum ma jorbtux mażra m’għonq il-ġenerazzjonijiet ta’ għada. Għax huwa neċessarju li anke l-ġenerazzjonijiet ta’ għada jkunu jistgħu jieħdu d-deċiżjonijiet li jkunu meħtieġa għalihom.

Fi ftit kliem l-iżvilupp ikun sostenibbli meta id-deċiżjonijiet tal-lum iżommu għada ukoll quddiem għajnejhom.

Fid-dawl ta’ dan nistgħu ngħidu bla tlaqlieq li l-politika tal-iżvilupp tal-art f’Malta hi kollox minbarra sostenibbli. Din mhiex qed ngħidha  illum, ilha ngħidha is-snin. Għax fis-sustanza m’hemmx differenza dwar dan bejn il-partiti politiċi li huma preżentement rappreżentati fil-Parlament.

Għax mhux Sandro biss hu favur l-ambjent. Anke Joseph u Simon jgħidu dan.

Ovvjament emmen jekk trid!

_________________

ara ukoll fuq dan il-blog il-kitbiet dwar l-iżvilupp sostenibbli li ġew ippubblikati fl-2015:

22 ta’ Frar 2015 : Harvesting Rainwater.

8 ta’ Marzu 2015 : The politics of Sustainable Development.

7 ta’ Ġunju 2015 : Addressing the environmental deficit.

23 ta’ Lulju 2015 : Nature provides solution.

9 t’Awwissu 2015 : Sustainable Development Goals: beyond rhetoric.

 

Ignoring residents and their local councils

strait street valletta 2

 

Government has published a consultation document dealing with the use of open public spaces by catering establishments, entitled Guidelines on Outdoor Catering Areas on Open Public Space : a holistic approach to creating an environment of comfort and safety.

This document was launched earlier this week at a press conference addressed by the Minister for Tourism Edward Zammit Lewis and the Parliamentary Secretary responsible for planning and simplification of administrative processes Michael Falzon.

The inter-Ministerial committee set up by government to draft the policy document was limited to representatives of the Ministry of the Interior, MEPA, Transport Malta, the Government Property Division, the Malta Tourism Authority and the Association of Hotels and Restaurants (MHRA). Representatives of the local councils were excluded from participating.

It seems that when the matter was being considered by Cabinet, the Minister for Local Councils Owen Bonnici was fast asleep as otherwise he would undoubtedly have drawn the attention of his colleagues that the Local Councils Act, in article 33, deems it a function of local councils “to advise and, where applicable, be consulted by, any authority empowered to take any decisions directly or indirectly affecting the Council and the residents it is responsible for”.

Surely the use of public open spaces by catering establishments is a matter which is of considerable interest to local councils as it affects both the councils and the residents they represent. Yet the government has a different opinion as representatives of local councils were not invited at the drawing board where the guidelines on the use of public open spaces by catering establishments were being drafted.

The guidelines introduce a one stop shop at MEPA, thereby eliminating the need to apply for around four other permits for the placing of tables and chairs in public open spaces. This would be a positive development if MEPA can take on board all the considerations which are normally an integral part of the four other application processes.

If the utilisation of public open spaces was limited to the squares in our towns and villages, I do not think that there would be any issue. There is sufficient space in such areas and using part of it for open air catering activities there would not be cause for concern.

However, problems will definitely arise in areas of mixed use, that is, areas where the ground floor is used commercially and the overlying areas are used as residences. This is a common occurrence in many of the localities where there is a high demand by the catering business for the utilisation of public open space. The guidelines, however, ignore the impacts which placing chairs and tables at street level could have on the residents in such areas, in particular those living in the floors immediately above ground level. Such impacts would primarily be the exposure of residents to secondary cigarette/tobacco smoke as well as noise and odours. The issue of noise will undoubtedly arise, in particular during siesta time, as well as late into the evenings while secondary smoke from cigarettes/tobacco as well as odours will be an ever present nuisance. Maybe if the local councils were not excluded from the inter-Ministerial Committee, these matters would have been taken into consideration.

In such instances it would be necessary to limit the placing of tables and chairs at such a distance from residences where impacts on residents from secondary smoke, noise and odours are insignificant: that is if there is sufficient space.

The guidelines establish that a passageway of 1.50 metres on pavements is to be reserved for pedestrians. In addition they establish that where a permit is requested to place chairs and tables outside third-party property, specific clearance in front of doors and windows is to be observed. Isn’t that thoughtful of the inter-Ministerial Committee? Instead of categorically excluding the placing of chairs and tables along the property of third parties it seeks to facilitate the creation of what would inevitably be a nuisance to the users of such a property. This, too, is the result of the lop-sided composition of the inter-Ministerial Committee.

Nor are parking spaces spared. The inter-Ministerial Committee makes provision in the proposed guidelines for the possibility that catering establishments can also make use of parking spaces for the placing of tables and chairs when other space is insufficient. The guidelines leave no stone unturned in ensuring that tables and chairs get priority, even though this is worded in terms that make it appear that it would be an exception.

Enforcement, as usual, will be another headache. We already have quite a number of cases in various localities where passageways are minimal or inexistent and pedestrians, excluded from walking along the pavement have to move along with the traffic, right in the middle of the road. At times this may prove quite difficult and dangerous, in particular for wheelchair users or in the case of parents with small children. Enforcement to date is practically inexistent and I do not think that matters will change much in this respect.

Unfortunately, MEPA is a repeat offender in ignoring the interests of the residential community when faced with all types of development. The guidelines on the use of public open space by catering establishments are thus more of the same.

While cars have taken over our roads, catering establishments will now be guided on how to take over our pavements and open spaces, parking included!

published in The Malta Independent on Sunday – 13 September 2015  

Premju għal min abbuża

temporary electricity supply

L-Enemalta qed tilqa’ applikazzjonijiet biex ikun regolarizzat is-servizz tal-elettriku fil-boathouses diversi f’Malta u Għawdex.

L-Enemalta qed tgħid li s-serq tal-elettriku jonqos drastikament jekk jingħata dan is-servizz. Iridu jsiru ħlasijiet diversi minn min japplika.

Donna li l-Enemalta ma tafx li s-serq tal-elettriku jonqos b’rata iktar drastika jekk jitwaqqgħu l-boathouses illegali.

Għax li qed jiġri issa hu li min seraq l-art biex fuqha għandu l-boathouse, bħal dawk tal-Aħrax tal-Mellieħa, qed jitħalla jgawdi dak li seraq, bil-kundizzjoni li jħallas tal-elettriku. Ikun ħafna aħjar jekk isir il-ħlas tal-elettriku misruq u tittieħed lura mill-Gvern l-art misruqa.

Is-serq hu kollu kundannabbli. Mhux biss is-serq tal-elettriku. Anke s-serq tal-art.

 

Il-kunvent li ser isir lukanda żgħira

Hisilicon K3

F’San Ġiljan, fit-Telgħa li mill-Balluta twassal sa Triq il-Kulleġġ l-Antik hemm kunvent żgħir tas-sorijiet flimkien ma skola żgħira (St Vincent School). M’għadux jintuża la bħala kunvent u l-anqas bħala skola, għax hemm applikazzjoni biex ikun hemm lukanda żgħira. Interessanti jekk il-Knisja innegozjatx l-art, inkella jekk ġietx f’idejn l-iżviluppatur mingħand terzi.

Din il-lukanda ser ikollha l-faċċata tagħha li tagħti għal fuq il-wied tal-Balluta u ser ikollha veduta mill-isbaħ tal-Bajja ta’ San Ġiljan.

Biex titwettaq din il-proposta li preżentment qegħda quddiem il-MEPA (PA 2937/15) hu propost li jsiru tibdiliet u żidiet mal-binja tal-kunvent eżistenti. Il-proposta tal-binja finali, dejjem skond il-pjanti li hemm bħalissa quddiem il-MEPA, mhux ser taqbeż l-għoli tal-kunvent eżistenti b’mod li tibqa’ taħt il-livell tal-bini eżistenti li jmiss mal-kunvent.

F’ċirkustanzi normali dan hu t-tip ta’ żvilupp li għandu jkun inkoraġġit. Li nagħmlu użu aħjar ta’ art li diġa hi disturbata. Hu bil-bosta aħjar milli tinbena art barra miż-żona tal-iżvilupp.

It-Times tal-lum tirrapporta li r-residenti, iżda, huma mħassba dwar dak li hu propost. Ma nagħtihomx tort, prinċipalment għax nifhem li din il-preokkupazzjoni hi riżultat ta’ nuqqas ta’ fiduċja fl-istituzzjonijiet b’mod li anke fejn proposta ta’ żvilupp hi waħda valida diffiċli toqgħod fuq dak li tkun qed tara b’għajnejk, għax bla ma trid tissuspetta li hemm xi ħaga oħra, moħbija, inkella li ma tkunx qed tinduna biha. Min jaf, qed jaħsbu uħud, jekk din il-proposta hiex waħda miftehma sakemm joħroġ il-permess għall-iżvilupp, imbagħad, wara li l-affarijiet ikun ikkwietaw tibda fażi oħra li twassal għal żieda fil-għoli!

Imbagħad ikun tard wisq.

Jiena naħseb li dawn huma affarijiet li jeħtieġ li jkunu ċari ħafna, għax s’issa m’humiex.

Għalhekk inkwetati ir-residenti.