It –trasport tal-iskejjel

Huwa tajjeb li l-Ministeru tal-Edukazzjoni ppubblika l-White Paper dwar it-trasport tal-iskejjel. Kieku ippubblika dan id-dokument bil-Malti kien ikun ferm aħjar milli ippubblikah bl-Ingliż bit-titlu ta’ School Opening Hours and Traffic Congestion.

Huwa fatt li fil-ġranet tal-vakanzi tal-iskejjel (kemm fis-sajf, kif ukoll fi żmien il-Milied u żmien l-Għid) ikun hemm ħinijiet kmieni fil-għodu u anke għall-ħabta tas-2pm meta t-traffiku jkun mexxej ferm iktar mill-bqija tas-sena.

Iżda jkun żball li naħsbu li l-konġestjoni tat-traffiku hi ikkawżata mill-iskejjel biss. L-iskejjel jagħtu l-kontribut tagħhom għall-problema, prinċipalment minħabba li l-hin li fih jibdew l-iskejjel huwa ukoll il-ħin li fih bosta jkun sejrin għax-xogħol fil-għodu. Il-problema hi ferm ikbar u għandha l-egħruq tagħha fin-nuqqas li jkollna transport pubbliku effiċjenti għal ħafna snin.

Il-White Paper tagħmel ħafna suġġerimenti validi.

Fiż-żoni madwar l-iskejjel tgħidilna l-White Paper, hemm ħtieġa li t-toroq li minnhom jgħaddu bil-mixi l-istudenti fi triqithom lejn l-iskola jkunu taħt superviżjoni (organisation of supervised walking routes in localities). Dan hu suġġeriment validu ħafna u jfisser emfasi ikbar fuq il-ħtieġa li innaqqsu l-perikli mit-toroq tagħna fil-lokalitajiet. Sal-lum (forsi) jkun hemm pulizija ħdejn l-iskola li jżomm il-karozzi milli joqorbu ż-żejjed lejn l-iskejjel. Din il-proposta li ż-żona protetta tinfirex lil hinn mill-iskola hi waħda tajba għax twassal il-protezzjoni mill-iskejjel saż-żoni residenzjali.

L-għadma iebsa li tindirizza l-White Paper hi l-ħtieġa li t-trasport tal-iskejjel jibda jitqies mhux iktar skola skola, iżda fuq livell nazzjonali b’mod li ma jiddistingwix bejn l-iskejjel tal-istat u dawk privati jew reliġjużi. Forsi wasal ukoll iż-żmien fejn l-istat jibda jħallas għat-transport tal-istudenti lejn l-iskejjel privati u religjużi.

B’mod żbaljat il-White Paper ma teżaminax ir-rwol li jista’ jkollhom il-Kunsilli Lokali f’dan l-eżerċizzju kollu. Il-Kunsilli Lokali huma f’posizzjoni unika li jagħtu kontribut effettiv għax qegħdin fil-lokalità, u hi sfortuna li l-Ministeru tal-Edukazzjoni dan jidher li għadu ma fehmux. L-organizzazzjoni tat-trasport tal-iskejjel għandu jsir flimkien mal-Kunsilli Lokali li individwalment jew fi gruppi (fil-każ ta’ Kunsilli Lokali żgħar) jistgħu jassiguraw ferm iktar minn kulħadd illi t-trasport tal-iskejjel ikun organizzat skond il-ħtiġijiet tal-istudenti u mhux skond il-kundizzjonijiet iddettati minn min jagħti s-servizz tat-trasport. F’dan il-kuntest il-White Paper fil-fatt titkellem dwar konflitt bejn service providers u service receivers: ġustament tgħid li l-ħinijiet tat-transport hu ħafna drabi ddettat fl-interess ta’ min jipprovdi s-servizz, mhux fl-interess tal-istudenti.

Organizzazzjoni aħjar tat-trasport tal-iskejjel taħt id-direzzjoni tal-Kunsilli Lokali għandha twassal għal titjib fil-kwalità tas-servizz tat-trasport. Dan jinkludi b’mod partikolari l-imġieba tax-xufiera u l-puntwalità tas-servizz.

Dawn il-fatturi kollha flimkien jistgħu jħajru iktar ġenituri jutilizzaw dan is-servizz flok ma jwasslu lill-uliedhom huma stess bil-karozzi privati tagħhom sal-iskola.

Il-ħinijiet tal-iskola m’għandhomx għalfejn jinbidlu. Imma f’dawk il-każijiet fejn l-istudenti jaslu kmieni l-iskola, flok ma jitħallew jiġru barra għandhom ikollhom il-possibiltà ta’ attività extra-kurrikulari, taħt superviżjoni fl-iskola.

B’dan il-mod l-iskejjel jistgħu inaqqsu t-traffiku li jiġġeneraw.

Il-petrol u d-diesil ser jorħos?

 

Nafu, għax il-medja tfakkarna l-ħin kollu, li l-prezz taż-żejt fis-swieq internazzjonali niżel sewwa. Għalfejn mela f’Malta għad ma raħsux il-prezz tal-petrol u d-diesel għall-konsumatur? Il-prezz għadu għoli meta tqabblu mal-prezzijiet fil-parti l-kbira tal-pajjiżi l-oħra tal-Unjoni Ewropea.

Għandu l-Gvern iraħħas il-prezz, jew għandu jħallih kif inhu?

Sa issa l-Gvern permezz tal-Korporazzjoni Enemalta mexa billi perjodikament aġġusta l-prezzijiet skond kemm il-petrol u id-diesel kienu ser jiġu jiswew lilu.

Il-prezz tal-petrol bla ċomb bħalissa hu ta’ €1.35 il-litru li minnhom €0.73 huma taxxi. Min-naħa l-oħra, l-prezz tad-diesel bħalissa hu ta’ €1.28 li minnhom €0.543 huma taxxi. It-taxxi fuq il-petrol u d-diesel ivarjaw minn pajjiż għall-ieħor, bħalma jvarjaw ukoll il-prezzijiet. Il-prezz tal-petrol bla ċomb f’xi pajjiżi jinbiegħ għola minn Malta. Hemm iżda diversi pajjiżi fl-Unjoni Ewropea fejn jinbiegħ orħos, fosthom is-segwenti : l-Polonja (€1.116-il litru), l-Estonia (€1.129), l-Awstrija (€1.142), il-Latvia (€1.146), il-Litwanja (€1.17), l-Ungerija (€1.173), il-Bulgarija (€1.176), il-Lussimburgo (€1.195), ir-Repubblika Ċeka (€1.221), ir-Rumanija (€1.222),  Spanja (€1.251), il-Kroatja (€1.275), Ċipru (€1.286) u s-Slovenja (€1.331).

Il-lista ta’ pajjiżi tal-UE fejn id-diesel jinbiegħ irħas minn Malta hi ferm itwal. L-irħas prezz huwa dak tal-Litwanja fejn jinbiegħ €0.93 il-litru. Min-naħa l-oħra fl-Italja jinbiegħ €1.458 u fir-Renju Unit jinbiegħ €1.509 il-litru.

Għandu jorħos il-prezz tal-petrol bla ċomb u tad-diesel f’Malta?

L-argumenti favur li jorħos il-prezz tal-petrol u d-diesel huma ta’ spejjes inqas għall-konsumatur.

L-argumenti kontra tnaqqis fil-prezz huma argumenti ta’ natura ambjentali. Għax prezz għoli ifisser attenzjoni iżjed fil-konsum filwaqt li prezz li jitbaxxa jinkoraġixxi l-laxkezza fil-konsum.

Dan l-argument biex il-prezz tal-petrol u d-diesel ma jorħosx ikun validu, anzi validu ħafna, meta jkollna transport pubbliku li jaħdem sewwa, u b’hekk ikun jista’ joffri servizz effiċjenti u alternattiv. Ilkoll nirrikonoxxu li hemm titjib fis-servizz imma dan għadu mhux biżżejjed biex iħajjar lin-nies jagħmlu iktar użu mit-trasport pubbliku flok ma jutilizzaw karozzi privati u b’hekk jonqsu l-karozzi fit-toroq tagħna.

Ilkoll nafu li l-kwalità tal-arja f’Malta l-iktar li hi effettwata hi mill-emissjonijiet tal-karozzi, kemm dawk li jużaw il-petrol kif ukoll dawk li jagħmlu użu mid-diesel. Jekk jonqsu dawn l-emmissjonjijiet ser ikollna titjib fil-kwalità tal-arja. Dan jista’ iseħħ billi jintużaw karozzi li jagħmlu użu minn teknoloġija differenti, bħall-karozzi li jaħdmu bl-elettriku jew bil-gass, inkella billi jintuża t-trasport pubbliku flok il-karozzi privati. Dan ovvjament apparti li nimxu fejn possibli inkella li tintuża r-rota.

L-għażla, eventwalment trid issir min-nies individwalment. Imma l-Gvern dejjem jista’ jimbotta ftit biex jinkoraġixxi lil dak li jkun biex jibdel l-imġieba tiegħu u b’hekk jagħti l-kontribut tiegħu għall-kwalità tal-arja aħjar.

Tnaqqis ta’ taxxi fuq il-karozzi li ma jniġġsux hi għajnuna li bosta gvernijiet jużaw għal dan l-iskop. Il-Gvern jista’ ukoll juża l-prezz tal-fuel, kemm dak tal-petrol bla ċomb kif ukoll dak tad-diesel bħala għodda biex iħajjar inqas nies jużaw dawn il-fuels. Hemm gvernijiet li meta għandhom trasport pubbliku li jaqdi sewwa lill-pubbliku jħallu l-prezz tal-petrol bla ċomb u tad-diesel għoli. Hekk għamel għal diversi snin il-Gvern Laburista Ingliż fil-passat billi żied t-taxxi fuq il-petrol u d-diesil.

F’dak il-każ ikun jaqbillek b’tal-linja. Ikun sinjal tajjeb meta aħna ukoll naslu sa dan il-punt, nittama f’data mhux il-bogħod. Peró naħseb li għad baqa’ ftit ieħor sa ma naslu. Imma ikun għaqli kieku l-Gvern anke f’dan l-istadju jħabbar meta jippjana li naslu f’dan l-istadju, għax ma jistax ikun li jibqgħu jiżdiedu n-numru ta’ karozzi fit-toroq.

B’dan il-mod, anke f’Malta kif jitjieb is-servizz ikun possibli li jkun inkoraġġit in-nuqqas ta’ konsum ta’ petrol u diesel, użu iktar frekwenti tat-trasport pubbliku u inqas karozzi fit-toroq u allura ngawdu arja iktar nadifa.

Next Thursday’s earthquake

 

This will be a simulation exercise coordinated by Malta’s Civil Protection Department at 4pm next Thursday in Gozo and three hundred people will be involved.

It will be carried out with EU assistance and in conjunction with the Civil Protection Authorities in Sicily who are partners with the Maltese Civil Protection Department (CPD) in establishing a network within the region that is able to manage seismological disasters.

This exercise signals the coming of age of Malta’s CPD. It has to date delivered sterling service in the areas of fire-fighting, managing pollution and providing assistance required as a result of flooding after heavy storms. Training its staff, and subjecting them to a gruelling simulation exercise, is a gigantic step forward for the CPD. It is the first step of a long journey that is dependent on the dedication of the CPD staff  – which is unlimited – as well as the resources allocated by the state. Such resources, although limited over the years, seem to be slowly trickling down, for a change.

Developing the CPD’s ability to handle disasters will be a major challenge. For a start it will identify its capability to develop effective coordination with the Police Force, with the AFM (Armed Forces) and the health authorities as well as with local councils.

At the end of the day the CPD’s proficiency in disaster management will be measured in terms of its response time as well as the number of lives it saves in such situations. This will generally depend on the severity of the disaster with which it is faced.

This will not only translate into a general level of preparedness. It will also require focusing on the needs of the most vulnerable in our communities and in this respect the role of local councils is indispensable. Specific protocols need to be developed and tested in conjunction with local councils regarding the assistance required by children and those who are bedridded or disabled. Catering for all disabilities is an indispensible prerequisite and it requires trained personnel to which the CPD currently has no access. It is an easily identifiable deficiency which needs to be addressed forthwith.

One small example would suffice: how would the CPD personnel, the police, the AFM – or the health authorities for that matter – communicate with persons with  impaired hearing in the absence of staff able to communicate in sign language? Addressing this deficiency is required not just to ensure that Malta is adequately prepared for disaster management. It is also an everyday deficiency that every authority in Malta that offers a direct service to the population at large needs to address. With around five hundred known Maltese with impaired hearing and a number of others who may have remained below the radar, this is an issue which is manageable primarily at a local level. Yet to date it has not been adequately prioritised.

In this context, one would also need to query the level of preparedness of institutions such as Mount Carmel Hospital and id-Dar tal-Providenza. I am informed that even when it comes to fire drills in residential homes for the elderly, the results were not impressive, to put it mildly.

Prompt and effective coordination between the different authorities is crucial in ensuring disaster management. There is a need to test how the different types of equipment used by the CPD, the Police and the AFM interact. Are they compatible? The planned simulation exercise is an opportunity to identify whether, in an actual practice run, matters will work out as planned. Lessons learned in this area will have to be translated into better procurement procedures in the future to ensure smooth interaction between the CPD, the police and the Army.

This will translate into compatible communication equipment as well as adequately maintained vehicles, sea craft and aeroplanes/helicopters which can be used in difficult circumstances. Knowing that maintenance of equipment has never been our forte, this could be quite a challenge!

The simulation exercise on Gozo on 3 September will necessarily lead to a number of lessons learnt which will have to be acted upon in order that Malta’s capability in disaster management is enhanced. This is definitely a bold step in the right direction.

I look forward to the next steps which require the involvement of local authorities.

Published in The Malta Independent on Sunday – 30 August 2015

Konsultazzjoni fis-sajf

                 

 

Ma nafx jekk hux apposta, imma f’dawn il-ġranet il-Gvern beda żewġ eżerċizzji ta’ konsultazzjoni.

L-ewwel wieħed, iktar kmieni din il-ġimgħa kien dwar il-Budget li jmiss. Dan sar bil-pubblikazzjoni tad-dokument ta’ qabel il-budget intitolat Delivering our Vision. Ma sibtx verzjoni bil-Malti ta’ dan id-dokument. Forsi għax tekniku. Imma xorta mhux aċċettabbli li materji ta’ importanza bħalma hi l-politika ekonomika u fiskali tal-pajjiż ma jkunux spjegati ukoll b’dokumenti bl-ilsien Malti. Suppost li qbiżna l-ħamsin sena bħala pajjiż indipendenti.

Ikolli ngħid l-istess ħaġa għall-White Paper li ħarġet dwar it-trasport għall-iskejjel. Din ħarġet il-bieraħ u hi intitolata School Opening Hours and Traffic Congestion. Hi parti minn eżerċiżżju importanti. Għalfejn bl-Ingliż? Għalfejn fi tmiem il-ġimgħa fis-sajf?

Kulltant jiġini d-dubju x’inhu l-iskop meta l-affarijiet isiru b’dan il-mod. Jekk hux kumbinazzjoni inkella jekk ikunux ippjanati.

Terrimot għall-ġimgħa d-dieħla

 

Id-Dipartiment tal-Protezzjoni Ċivili qed jippjana terrimot għall-ġimgħa d-dieħla nhar il-Ħamis 3 ta’ Settembru. Dan ser isir bħala eserċizzju ta’ taħriġ u ser jinvolvi madwar 300 ruħ. It-taħriġ ser isir ġo Għawdex.

Ser jipparteċipaw ukoll madwar sittin persuna teknika mid-Dpartiment tal-Protezzjoni Ċivili ta’ Sqallija.

Din hi aħbar tajba ħafna. Tfisser li bħala pajjiż bdejna inħarsu l-quddiem bis-serjetà f’dan il-qasam. Sal-lum id-Dipartiment tal-Protezzjoni Ċivili kien assoċjat mat-tifi tan-nar, ma’ inċidenti gravi tat-traffiku u ma problem ta’ għargħar. Issa ser isir pass kbir il-quddiem.

Hu tajjeb li nibdew nippjanaw dwar kif id-Dipartiment tal-Protezzjoni Ċivili jaħdem f’każ ta’ diżastru nazzjonali bħal terrimot jew għargħar, per eżempju.

Il-kordinazzjoni hi meħtieġa biex l-awtoritajiet differenti jissinkorizzaw il-ħidma ta’ bejniethom. Hu importanti ħafna li d-Dipartiment tal-Protezzjoni Ċivili, l-Armata, l-Pulizija u l-awtoritajiet tas-Saħħa f’każ ta’ emerġenza ma jkollhomx diffikultà biex jaħdmu. Għalhekk importanti t-taħriġ.

Imma hemm bżonn ukoll li jkunu involuti l-Kunsilli Lokali għax f’każ ta’ emerġenza huma l-Kunsilli Lokali l-ewwel u l-iktar kuntatt effettiv man-nies.

Ma nistax għalhekk ma ngħidx prosit mistħoqq lid-Dipartiment tal-Protezzjoni Ċivili li wasal sa hawn.

Imma dan hu biss il-bidu. Għax hemm ħafna iktar x’isir.

Moskeja fiż-Żonqor : rigal ieħor ta’ Joseph?

Joseph tkellem ħafna dwar kemm il-campus tal-Università għandu jitqies bħala r-rigal tal-Gvern tiegħu lill-Bormla.

L-Independent illum iżda titkellem dwar rigal ieħor li dwaru Joseph ma qal xejn.

L-istudju dwar l-impatti soċjali tas-sit li hu propost li jkun żviluppat fiż-Żonqor jgħid dan li ġej :

“This SIA also recommends that since it is anticipated that most students will profess the Islamic religion the campus also includes a Mosque for prayers.”

Min-naħa l-oħra l-istudju dwar l-impatt soċjali f’Bormla ma jikkunsidrax li hemm bżonn Moskeja f’Bormla minħabba li l-istudenti hemm jistgħu jinqdew bil-Moskeja ta’ Kordin. Fil-fatt l-istudju jgħid hekk :

“ ……. it is worth noting that those students who may profess the Islamic religion are serviced with a Mosque at Corradino which is located just up the hill from Cospicua and Senglea.”

Verament li l-istudji ta’ Joseph jaħsbu għal kollox. Anke għal Moskeja fiż-Żonqor.

Prosit. L-istudji ta’ Joseph jaħsbu għal kulħadd!

 

Ir-rigal ta’ Bormla

 

X’ser tieħu Bormla minn l-Università Amerikana?

Bla dubju r-restawr taż-żona madwar il-Baċir numru wieħed ser ikun l-ewwel akkwist. Probabbilment ukoll li bini mitluq f’Bormla jkun hemm inċentiv illi jkun irranġat u eventwalment jinkera lill-barranin li jiffrekwentaw il-fakultajiet tal-Università fil-Baċir numru wieħed . Kemm l-istudenti kif ukoll xi għalliema.

Fl-Imsida per eżempju hemm kwantità ta’ flats li jinkrew lill-istudenti Għawdxin. L-istess hu mistenni li jiġri f’Bormla.

L-istudenti li joqgħdu f’dawn il-flats ovvjament iridu jieklu. Ser jixtru prinċipalment mill-ħwienet f’Bormla. Xi ftit jiddevertu ukoll. Kemm f’Bormla kif ukoll f’inhawi oħra fil-viċin u l-bogħod.

Meta l-Università fil-Baċir tilħaq il-massimu ta’ studenti probabbilment li jkun fiha madwar 1,200 student (il-kumplament ikunu Iż-Żonqor). Bla dubju, 1,200 ruħ jagħtu kontribut kbir lill-ekonomija ta’ Bormla, fil-flats, restaurants, ħwienet u barijiet.

Imma jkun meħtieġ li jsibulhom l-ispażju. Għax iktar ma jkun hemm studenti li joqgħodu f’Bormla inqas joħolqu problema ta’ traffiku! Ovvjament mhux ser ikunu kirjiet baxxi. Probabbilment id-domanda li dawn l-istudenti jiġġeneraw biex jikru toqba fejn joqgħodu jkollha xi ftit effett fuq il-kirjiet eżistenti. Imma dak għadu ftit kmieni għalissa.

Kemm ilu li tħabbar il-proġett digà hemm min beda jfittex u jippjana kif jista’ jdawwar lira (jew ewro)!

Dan l-investiment jidher li hu idea tal-kuntrattur mill-Jordan Hani Hasan Naji Al Salah. Ser tkun Università bi ħlas.

Li jibqa’ hu li jkun magħruf minn fejn ġejjin l-istudenti. F’kummenti li Hani Hasan Naji Al Salah kien ta’ lis-Sunday Times nhar it-3 ta’ Mejju li għadda kien qalilna li dawn ġejjin mill-Lvant Nofsani, mill-Afrika ta’ Fuq kif ukoll mill-Ewropa.

Imma l-website tal-Università DePaul ta’ Chicago, li qed tassisti lil investitur mill-Ġordan biex jitfasslu l-korsijiet Universitarji ma issemix studenti Ewropej iżda tgħid li din l-Università ser tkun għal studenti mill-Afrika ta’ Fuq, mill-Ġolf, expats u oħrajn li jfittxu edukazzjoni stil Amerikan.

Issa naraw. Wara kollox dan hu rigal għal Bormla.

 

L-Air Malta tibqa’ f’idejn id-dilettanti

Il-media online tirrapporta illum li diversi titjiriet tal-Air Malta qegħdin tard fil-ħin biex jitilqu. Ħin li jvarja. Fil-parti l-kbira id-dewmien hu ta’ bejn tletin minuta u siegħa.

Imma it-tijira għal Budapest ser tittardja bi tnax-il siegħa.

Ir-raguni? Wieħed mill-ajruplani ġie miżmum mill-jopera minħabba li ġiet osservat l-possibiltà ta’ ħsara meta ġie lura l-bieraħ fil-għaxija.

Dan id-dewmien kollu hu ikkawżat minn ajruplan wieħed inqas. Immaġinaw ftit kieku d-diffikultajiet inqalgħu meta l-Air Malta tneħħi tlett ajruplani, kif għanda l-ħsieb li tagħmel fix-xitwa.

L-Air Malta ilha bil-problemi. Ilhom ġejjin. L-Azzurra Air. L-impieg tan-nies bl-addoċċ. Ix-xiri tal-Avro RJ70.

Dan jonqos biex l-Air Malta tiġi ottu. Sadanittant l-impjegati inkwetati, mhux biss għax ma jafux x’inhu ġej. Iżda iktar, għax qed jirrealizzaw li l-futur tagħhom għadu f’idejn id-dilettanti.

B’dawn it-tip ta’ deċiżjonijiet ma nafx x’futur jista’ jkun hemm għall-Air Malta.

L-aġenda ta’ Muscat hi kontra l-ambjent

 

Għal min kellu xi dubju, l-każ taż-Żonqor juri ċar kemm il-Gvern immexxi minn Joseph Muscat hu Gvern li jiġi jaqa’ u jqum mill-ambjent.

Il-proposta ta’żvilupp għaż-Żonqor Joseph Muscat għamilha bil-parir stupidu tal-MEPA li insiet li qegħda hemm biex isservi lill-pajjiż u mhux lill-Gvern.

L-aħħar proposta tal-Gvern tagħmel inqas ħsara. Imma xorta tagħmel il-ħsara. Filwaqt li għandna nieħdu in-nifs li ġew salvati 72,000 metru kwadru xorta irridu niftakru li ser ikunu żviluppati 18,000 metru kwadru barra miż-żona tal-iżvilupp.

L-eżerċizzju ta’ konsultazzjoni li għamel il-Gvern għamlu bil-fors u kontra qalbu. Għamlu għax ġie imġiegħel mill-opinjoni pubblika. Konsultazzjoni li saret wara li d-deċiżjoni kienet diġa lesta.

Dan hu l-metodu ta’ Joseph Muscat. Jgħaffeġ. U jekk ikun hemm min jiftaħ ħalqu jara x’jagħmel, skond kemm tkun kbira l-opposizzjoni għall-ħmerijiet u l-ħsara li jkun qiegħed ifassal.

Għax Joseph Muscat (u l-Gvern tiegħu) jiġi jaqa’ u jqum mill-ambjent. Dik hi l-aġenda tiegħu.

Il-Gvern iċċaqlaq ……….. għax sab l-iebes

 

Il-mod kif il-Gvern ħa id-deċiżjoni dwar l-Università Amerikana juri biċ-ċar li m’għandux idea tal-obbligi ambjentali tiegħu. Għax kieku kellu l-iċken idea kien jimxi b’mod differenti. Il-konsultazzjoni neċessarja kien jagħmilha qabel ma jiddeċiedi u mhux wara li għaffiġha.

Id-deċiżjoni oriġinali kienet ħażina. Bid-deċiżjoni reveduta li tħabbret il-bieraħ l-Gvern ġabar ftit ġieħu.

Ir-reviżjoni saret biss u esklussivament minħabba li s-soċjetà ċivili fetħet ħalqha.

M’huwiex possibli li tikkonkludi minn każ wieħed jekk dan ifissirx li l-Gvern immexxi minn Joseph Muscat huwiex ser jibda jagħti każ ta’ x’jaħseb il-lobby ambjentali. Dan inkunu nistgħu nikkonkluduh wara li jkollna xi żewġ każijiet oħra.

Irridu naraw per eżempju dwar kemm il-Gvern ser jagħti każ tal-proposti tal-lobby ambjentali dwar il-liġijiet preżentement pendenti quddiem il-Parlament. Irridu ukoll naraw xi proposti ser isiru meta fix-xhur li ġejjin ikunu ippubblikati l-abbozzi ta’ pjani lokali.

Jiena naħseb li l-Gvern kontinwament ser jipprova jevita l-obbligi ambjentali tiegħu. Jekk isib resistenza jaġġusta l-posizzjoni tiegħu skond ir-resistenza li jsib.

Għalhekk hu importanti li s-soċjetà ċivili tibqa’ viġilanti għax ser niffaċċjaw battalja wara l-oħra. Min jaqta’ nifsu l-ewwel jitlef.

Ippubblikat fuq l-Illum il-Ħadd 23 t’Awwissu 2015