Il-Konvenzjoni Kostituzzjonali iġġammjat

Kostituzzjoni ta' Malta

Fi tmiem il-ġimgħa li għaddiet smajna diversi kummenti dwar il-ħtieġa li  l-Konvenzjoni Kostituzzjonali tiċċaqlaq. Jidher ċar li preżentement hi ġġammjata!

Tkellmet l-Eċċellenza Tagħha l-President fl-okkazjoni ta’ l-ewwel anniversarju mill-ħatra tagħha fil-kariga u qalet li kienet tittama li sa tmiem is-sena (li qegħdin fiha) jkun hemm progress.

B’reazzjoni għal dak li qalet il-President tkellem ukoll l-Avukat Franco Debono li sentejn ilu, fil-bidu ta’ din il-leġislatura kien inħatar mill-Gvern bħala l-koordinatur tal-Konvenzjoni Kostituzzjonali.

Dr Debono qal li inħela ħafna żmien u għadu ma sar xejn.

Id-diffikulta li forsi Dr Franco Debono ma japprezzax biżżejjed hi li filwaqt li l-Konvenzjoni Kostituzzjonali għadha ma bdietx, anzi filwaqt li l-konvenzjoni innifisha għadha l-anqas biss ma ġiet iffurmata, diġa għandna l-koordinatur tagħha appuntat. Nazzarda ngħid li għandna koordinatur li hu impost fuq il-Konvenzjoni Kostituzzjonali.

Jiena dejjem fhimt illi kieku hemm rieda tajba biex l-affarijiet mhux biss isiru, imma jsiru sewwa, kienet tkun il-Konvenzjoni Kostituzzjonali innifisha illi taħtar lill-koordinatur tagħha. Dan il-koordinatur jista’ jkun Dr Franco Debono, imma jista’ jkun ukoll xi ħaddieħor.

Huwa inutli li noqgħodu nistaħbew wara subgħajna: kulħadd jaf li din hi ir-raġuni ewlenija għala s’issa kollox hu iġġammjat dwar il-Konvenzjoni Kostituzzjonali. Il-proċess huwa delikat u seta jkun iffaċilitat ħafna iktar kieku id-deċiżjonijiet jittieħdu b’kunsens mhux b’imposizzjoni.

Dak li ġara s’issa xejn ma jawgura tajjeb għall-futur tal-Konvenzjoni Kostituzzjonali. Hemm ħafna x’jista’ jsir. Iżda il-parti l-kbira ta’ dak li jista’ jsir jirrikjedi kunsens għax fl-aħħar ser ikun meħtieġ l-approvazzjoni ta’ tnejn minn kull tlett membri tal-Parlament. Dan il-kunsens mhux ġej bħala riżultat ta’ strateġija ta’ imposizzjoni. Jista’ iżda jinbena ftit ftit jekk ikun hemm min jifhem li bil-kunsens biss nistgħu naslu.

Min għandu widnejn, ħa jisma’.

Advertisements

One comment on “Il-Konvenzjoni Kostituzzjonali iġġammjat

  1. Two points a least to be made.

    1. A general one. What was the “significance” of the appointment of Dr. Franco, or more precisely what powers are attached to the post of Co-ordinator of the Konvenzjoni Kostituzzjonali? Going by his recent remarks he seems to be just a doorman welcoming guests coming to a “meeting” when some unmentioned power calls one. As yet this “power” seems to be dormant for reasons unknown but not perhaps unguessed.

    2. A more particular point: the expression of Presidential hope of “progress” is a little out of place, seeing that she is not even seeing to certain, non-fundraising aspects of her constitutional duties. Pious hope unbacked by deeds is worth very little.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s