Għamel tajjeb Simon Busuttil meta issospenda mill-Partit Nazzjonalista kemm lil Michael Falzon kif ukoll lil Ninu Zammit wara li dawn ammettew li għal xi snin kellhom flus depożitati f’Bank Svizzeru.
L-ammissjoni ta’ Michael Falzon u Ninu Zammit tfisser li waqt li kienu qed jokkupaw karigi Ministerjali, jinsistu ma kulħadd biex josserva l-liġi, huma stess kienu qed jiksruha b’mod sfaċċat.
Kif nistgħu nippretendu li n-nies tosserva l-liġi jekk dawn l-exMinistri kien jiksruha b’mod daqshekk sfaċċat? Mhux biss kisru l-liġi, imma fuq kollox ittradew lil min ħatarhom f’kariga ta’ responsabbilta Ministerjali.
Blog ta' Carmel Cacopardo 