Meta l-Ministru tat-Trasport Joe Mizzi kien qed jitkellem f’konferenza stampa fir-Rabat qal li kien ser jippreżenta għall-konsiderazzjoni tal-Kabinett dokument ta’ policy dwar il-parking. Dan qalu huwa u jinawgura skema ta’ park and ride fir-Rabat li qed issir b’koordinazzjoni bejn diversi restoranti biex jipprovdu parking għall-klijenti tagħhom.
X’ser ikun fiha din il-policy m’għandix idea, pero’ naħseb li l-Gvern mhux mill-parking għandu bżonn jibda, iżda min-numru ta’ karozzi fit-triq li jeħtieġ li jonqsu. Mhux policy dwar il-parking hemm bżonn imma policy dwar dawk l-inċentivi li huma neċessarji biex inqas nies jagħmlu użu minn karozzi privati. Hemm ħafna x’jista’ jsir dwar dan, imma s’issa kemm il-Gvern kif ukoll Transport Malta huma siekta dwar dan.
Ir-riforma tat-transport pubbliku għandha bżonn ta’ għajnuna biex tirnexxi, għajnuna li tiġi biss b’inċentivi li jħajru n-nies iwarrbu l-karozzi privati. U la bil-parking u l-anqas bil-proġetti li jixorbu l-miljuni.
Blog ta' Carmel Cacopardo 
What if the parking policy gave more space for motorcycles and special places for vehicles inside a pooling scheme? Wouldn’t be minn sorma nahseb hux