Il-BBQ ta’ Karmenu Vella

Karmenu Vella + Joseph

 

Il-BBQ li l-Parlament Ewropew mistenni jorganizza għal Karmenu Vella ser isir nhar it-Tnejn 29 ta’ Settembru 2014 bejn s-2.30pm u l-5.30pm.

Tlett siegħat sħaħ li fihom huwa mistenni li jwieġeb mistoqsijiet tal-Membri Parlamentari Ewropej dwar l-Ambjent, dwar is-Sajd u dwar il-Politika Marittima. Hu mistenni li fost il-mistoqsijiet ikun hemm xi waħda jew tnejn dwar il-kaċċa fir-rebbiegħa.

Ikun interessanti ukoll kif Karmenu Vella ser jispjega x’ser jagħmel dwar id-Direttiva tal-Għasafar u d-Direttiva tal-Habitats liema żewġ direttivi ngħata l-inkarigu speċifiku dwarhom minn Jean-Claude Juncker.

Fl-ittra tal-ħatra  Jean Claude Juncker ipoġġi 5 targets quddiem Karmenu Vella:

  1. L-eżami mill-ġdid tar-regolamentazzjoni ambjentali,
  2. L-istrateġja tal-Unjoni Ewropeja dwar il-kwalita’ tal-arja,
  3. L-ekonomija ċirkulari u r-riżultati miksuba s’issa u dan fid-dawl tal-ewwel reazzjonijiet tal-Parlament u tal-Kunsill tal-Ministri,
  4. L-implimentazzjoni tal-istrateġija komuni dwar is-sajd,
  5. Sehem attiv f’fora internazzjonali dwar l-ibħra fi ħdan il-Ġnus Magħquda u fora oħra multilaterali u bilaterali.

Il-Kumitati tal-Parlament Ewropew bla dubju ser ifittxu li jgħarblu l-ideat ta’ Karmenu Vella dwar kif ser iwettaq l-inkarigu l-ingħatalu. Imma fuq kollox, fid-dawl tal-esperjenzi ta’ John Dalli bħala Kummissarju Ewropew bla dubju l-Kumitati tal-Parlament Ewropew ser jistaqsu lil Karmenu Vella diversi mistoqsijiet dwar il-kuntatti tiegħu mad-dinja tan-negozju, dwar il-ħsiebijiet tiegħu fuq il-lobbying kif ukoll kif jaħsibha dwar it-trasparenza.

Ser jissemma ukoll ir-rapport ippubblikat ftit tal-ġranet ilu mill-Corporate Europe Observatory intitolat: Don’t bet on the commissioner: the case of Karmenu Vella of Malta. 

Billi f’dan ir-rapport jingħad li Karmenu Vella “ is not suitable to be a commissioner ” il-membri tal-Kumitati tal-Parlament Ewropew ikunu jixtiequ jisimgħu mingħand Karmenu Vella għaliex huma għandhom jaslu għal konklużjoni differenti.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s