Il-ħtif fi Tripli

 

Qalulna li kien miżmum mit-twajbin.  Minn dawk li huma ħbieb ta’ Malta u allura riedu jipproteġuh.

Imma issa li qrajna l-intervista fuq l-Indpendent l-affarijiet jidhru mod ieħor.

Li l-gazzetti janaliżżaw u jikkritikaw dak li ġara, għaliex ġara u kif ġara nifhmu. Li ma nistax nifhem imma hu għaliex hemm min qiegħed jagħlef il-ħsieb li qiesu ma ġara xejn.

X‘inhu l-ħsieb wara din il-manuvra? M’għandi l-ebda idea.

Fl-intervista tiegħu fuq l-Independent Martin Galea, li jifhem u jitkellem sewwa l-Għarbi, qal li sema’ lil dawk li kienu qed iżommuh jitkellmu dwar kif ser joqluh. Tnejn minnhom, qal, għamlu żmien joqgħodu Malta, f’San Ġiljan.

Naħseb li hu l-mument addattat li nistaqsu: x’hemm iżjed li għadu mhux magħruf?