Il-Gvern irid ibiegħ il-passaporti. Passaport ta’ Malta mingħand Joseph Muscat jiġi jiswa’ €650,000. Magħhom trid iżżid €25,000 għal passport ieħor għall-mara u €25,000 għal kull wieħed mit-tfal.
Għadu mhux magħruf jekk hemmx discount għal min jixtri passaport għal iktar minn mara waħda.
Ġie ippubblikat abbożż ta’ liġi biex jemenda il-liġi taċ-ċittadinanza.
Saret ukoll laqgħa immexxija minn Joe Vella Bonnici ex-kandidat tal-Labour li ser ikun inkarigat mill-aġenzija ġdida Identity Malta. Il-laqgħa kienet indirizzata mill-konsulenti Ingliżi tal-Gvern Henley & Partners. Imma qed jingħad li din il-laqgħa spiċċat bil-banda b’Vella Bonnici u dawk li kellu quddiemu jgħajjtu b’ħanġra daqshiex.
Qed jinkitbu ħafna artikli u bosta kummenti dwar din il-politika ġdida ta’ kif il-Gvern immexxi minn Joseph Muscat ser ibiegħ il-passaporti. Ġiet deskritta bħala politika friska u moderna li tikkuntrasta mal-politika preistorika li kellna sal-lum.
Qiegħed jingħad li dawn il-passaporti m’humiex ser jingħataw bl-addoċċ. Il-Gvern għandu target li matul is-sena finanzjarja li ġejja jdaħħal €30 miljun mill-bejgħ ta’ dawn il-passaporti. Dan ifisser li qed jippjana għal madwar 40 applikazzjoni li skond kemm ikun hemm persuni dipendenti jew assoċjati mal-applikanti jista’ jfisser il-ħruġ ta’ madwar 200 passaport.
Intqal ukoll li l-applikazzjonijiet ser ikunu mgħarbla sewwa u ser ikun hemm attenzjoni speċjali biex ma jkunx hemm karattri dubjużi li jingħataw dawn il-passaporti. Imma mbagħad qalulna ukoll li l-ismijiet ta’ dawk li ser jingħataw dawn il-passaporti ser jibqgħu sigrieti. Dik l-informazzjoni skond il-Gvern għandha tkun kunfidenzjali magħrufa biss bejn il-Gvern u min jiffirma iċ-ċekkijiet għal dawk it-€30 miljun.
L-impressjoni li qed tingħata hi li l-filosofija bażika ser tkun li bil-flus tagħmel triq fil-baħar. Triq li twassal sar-Repubblika ta’ Malta li jekk għandek il-flus tiftaħlek il-bibien beraħ. Dan huwa l-mod modern ta’ kif titkabbar l-ekonomija. Min-naħa l-oħra għandna diġa l-assigurazzjoni li l-Gvern ser joqgħod ultra-attent biex ma jkunx hemm karattri dubjużi li jakkwistaw dan il-passaport.
Ngħid jiena kif nistgħu nieħdu dan il-Gvern bis-serjeta’ jekk fost il-persuni li għażel bħala l-konsulenti tiegħu hemm ċerta Shiv Nair. Id-dikjarazzjonijiet pubbliċi tal-Gvern [jekk nemmnu dak li qed jgħidu] jfissru li l-Gvern ta’ Muscat mhux kapaċi jagħmel il-vetting neċessarju għax ġiet ippubblikat l-informazzjoni dwar dan Shiv Nair li jnisslu suspetti serji: informazzjoni li din il-persuna qegħda fuq il-blacklist tal-Bank Dinji minħabba frodi.
Dawn l-affarijiet kollha juru x’tip ta’ nies jistgħu jixtru l-passaport Malti. Juru ukoll għaliex kollox ser jibqa’ mistur.
Il-messaġġ li Muscat qiegħed jagħti huwa preċiżament dan: jekk għandek il-flus tikkonfondi xejn, anke jekk ħadd ma jridek . Malta taħt Joseph Muscat toffrilek kenn. L-aqwa li tiffirma dak iċ-ċekk.
Imma l-messaġġ ikompli li jekk m’għandekx flus Malta m’għandniex post għalik. F’dak il-każ ċempel lil Cecilia Malmström il-Kummissarju tal-Unjoni Ewropeja.
Pajjiżna jixraqlu aħjar.
Blog ta' Carmel Cacopardo 
Wonderful article sir. And the sarcasm was intended, I would guess. Truth is that Malta has no political Left, but only right and right-centre. And that is an enormous problem.
Min irid li jkolu access ghal EU u jmur joqghod fejn irid, japplika Malta. Applikazzjoni minn ghand il-gvern socjalista Malti u ismek jibqa’ sigriet.
Without defending this particular scheme and without denying the merits of Carmel’s critique (which needs to be made because it is right and proper for members of a democracy to engage with a said democracy), I have a feeling that Malta is following suit in the example of other EU countries who have an option for citizenship that has a huge price tag on it. The UK has always had an option for permanent residency which had a hefty “investment” tag on it — just look at the foreign oligarchs and millionaires who own entire huge establishments, including football clubs or even newspapers. I cannot say how this transfers itself into citizenship, but presumably it does. This is nothing new and though I can see why many are rightly uncomfortable with it, it is one of those perks which comes with EU citizenship.