Parlament tad-dilettanti?

parlament

Il-Parlament hemm bżonn li jkun full-time.  Ma jistax ikun li nibqgħu b’Parlament tad-dilettanti. B’Membri Parlamentari li l-prijorita’ tagħhom hi l-professjoni jew ix-xogħol tagħhom.

Min għalih il-professjoni hi iktar importanti mill-Parlament jagħmel tajjeb li jiddedika l-ħin tiegħu jew tagħha għall-professjoni u jħalli s-siġġu tal-Parlament għal min hu lest li jagħti prijorita’ lill-ħidma Parlamentari.

Bħalissa għandna Parlament li fost il-Membri tiegħu għandu min il-prijorita’ tiegħu hi li  jara lill-klijenti fil-klinka jekk tabib, jew fl-uffiċċju jekk avukat jew Perit jew xi xogħol ieħor. Imbagħad, x’ħin ilesti, u  jekk ikunu baqa’ ħin imur il-Parlament.

Il-konsegwenza ta’ dan tidher fil-ħidma tal-Parlament, għax il-Parlament xogħolu m’hux jagħmlu, għax ħin biżżejjed x’jiddedika m’għandux.

Il-Parlament Malti hu l-uniku wieħed fl-Unjoni Ewropeja li ma kienx kapaċi jirreaġixxi fid-dettall meħtieġ  għal mijiet ta’ proposti ta’ liġi tal-Unjoni Ewropeja. Dan id-dritt li inkiseb bit-trattat ta’ Liżbona u li permezz tiegħu l-Parlamentari tal-Istati Membri jistgħu jinfluwenzaw u f’xi każi jwaqqfu leġislazzjoni Ewropeja għalina l-Maltin qiesu ma jeżistix għax il-Parlament Malti huwa wieħed tal-part-timers. Parlament tad-dilettanti.

Il-Prim Ministru Joseph Muscat waqqaf Bord  biex jagħtih proposti dwar kif għandhom ikunu imfassla s-salarji ta’ dawk li jokkupaw uffiċċju politiku. Din il-Kummissjoni li hi magħmula mill-Ombudsman, l-Awditur Ġenerali u l-Uffiċjal Elettorali Ewlieni, l-bieraħ t-Tlieta 15 t’Ottubru iltaqgħet ma’ Alternattiva Demokratika.

Jiena u Arnold Cassola tkellimna magħhom fit-tul u fissirnielhom il-proposti fil-programm elettorali ta’ Alternattiva Demokratika. L-ewwel fosthom li l-Parlament jeħtieġ li ikun wieħed ta’ full-timers u li l-Membri Parlamentari m’għandhom jagħmlu l-ebda xogħol ieħor għajr dak tal-Parlament.

Dan ifisser li m’għandhomx jinħatru fuq Bordijiet tal-Gvern, kif sar dan l-aħħar. Biex inkun preċiz mhux issa biss sar dan. Sar ukoll fi żmien Gvernijiet oħra. Imma issa sar fuq skala ikbar milli sar fi żminijiet oħra.

Ifisser ukoll li l-Membri Parlamentari jkollhom iktar ħin biex jagħmlu dak li suppost jagħmlu, jiġifieri li jiflu l-ħidma tal-Gvern.

F’Parlament tad-dilettanti l-Gvern jagħmel li jrid. F’Parlament fejn il-membri jkollhom il-ħin biex xogħolhom jagħmluh il-Gvern jimxi ħafna aħjar.

Dan hu l-Parlament li jixirqilna bħala pajjiż, mhux Parlament tad-dilettanti.

Ara ukoll l-istqarrija ta’ Alternattiva Demokratika li tinkludi l-proposti kollha sottomessi. Agħfas hawn.

Advertisements

3 comments on “Parlament tad-dilettanti?

  1. Mr Cacopardo I see your point where MPs ought to be full timers and not devoted to their private careers first.
    Well if that were the case surely Malta would not need almost 70 MPs. I think half that number would be enough. Also why does Cabinet Ministers have to be Elected? If there is a very qualified person out there willing to run a Dept why can’t he be appointed and confirmed by Parliament as is the case in the USA?

    • The involvement of technocrats in government is another point which should be discussed. You are right. It is a matter which is not permissible currently as the Maltese Constitution determines that all members of cabinet must be members of Parliament. I will revert to this point in some future blogpost.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s