Repubblika tal-Banana fil-Mediterran

John Rizzo li sa Marzu 2013 kien il-Kummissarju tal-Pulizija jgħidilna fil-Qorti li hu kien iddeċieda li kien hemm biżżejjed provi biex itella’ lil John Dalli l-Qorti dwar il-każ oriġinalment investigat mill-OLAF in konnessjoni mat-taħwid u t-tixħim koness mal-industrija tat-tabakk.

John Rizzo jgħid ukoll li dwar dan kien qabel miegħu l-Avukat Ġenerali tar-Repubblika.

Il-Kummissarju tal-Pulizija l-ġdid Peter Paul Zammit l-ewwel qalilna li wara li studja sewwa l-każ hu tal-fehma li ma hemmx każ kontra John Dalli. Imbagħad qalilna li l-każ għadu mhux magħluq. Interessanti li s-Sur Peter Paul Zammit ukoll qalilna li l-Avukat Ġenerali jaqbel miegħu!

Tajjeb pero li qatt ma smajna x’qal verament l-Avukat Ġenerali. S’issa nafu biss x’qal ħaddieħor dwaru.

Qiesna qed ngħixu f’Repubblika tal-Banana fil-Mediterran.  L-opinjonijiet legali jiddependu fuq min ikun fil-Gvern. Hemm każ jew  m’hemmx każ?

Irċevejt ittra mill-PN

Il-bieraħ irċevejt ittra elettronika mingħand il-Partit Nazzjonalista.

Impjegata infurmatni permezz ta’ ittra elettronika illi Dr Simon Busuttil kien talabha biex tgħaddili kopja tad-diskors li għamel fuq il-fosos tal-Furjana f’Jum l-Indipendenza.

Għalfejn intbagħtitli din il-kopja tad-diskors ta’ ħames paġni ma nafx.

Imma dejjem interessanti għax il-PN qatt ma wieġeb l-ittra tiegħi li pemezz tagħha fid-16 ta’ Jannar 2008 irreżenjajt minn membru tal-PN u issa jibaghtli diskorsi li ma fihom l-ebda ispirazzjoni. Bla ħeġġa u mejta, minn barra u minn ġewwa.

Jum l-Indipendenza hu Jum għażiż għalija u għal ħafna. Iċċelebrajtu meta Simon kien għadu l-anqas twieled. Anzi kont hemm, ma ħafna oħrajn  f’nofs il-lejl bejn l-20 u l-21 ta’  Settembru 1964, tifel ta’ 8 snin flimkien ma ħuti iżgħar minni.

Iċċelebrajtu ukoll fis-snin  ta’ wara meta d-demokrazija kienet mhedda.

Id-diskorsi huma l-inqas ħaġa li jinteressawni bħalissa.

Ikun ferm aħjar kieku l-PN ifittex u forsi jsib ruħu. Imma dik ilu ftit li tilifha u mhux faċli li jerġa’ jsibha.

Ippubblikat fuq iNews illum 26 ta’ Settembru 2013

Green acres for the tourists

The planning authority has commenced the process of consolidating policies applicable to land use outside the development zones (ODZs) into one policy document. This includes policies applicable to agriculture.

This review exercise has various declared objectives and, possibly, some undeclared ones too. One particular declared objective deals with  agritourism and announces that it aims “to provide new opportunities for agricultural diversification by farm gate sales, visitor attractions and agro-tourism accommodation.”

Encouraging agritourism is good policy, which is long overdue. It has, however, to be developed on the correct lines from day one. In particular, it should be driven by the requirements of agriculture. Certainly it should neither  be tourism driven nor driven by the building construction industry.

Given that the first shot has been fired through a proposed review of land use planning policies it is clear that the initiatives being  considered (declared and undeclared) have more to do with the building industry.  This is more than just an impression.

Agritourism driven by agriculture can be an instrument for developing a sustainable rural development strategy. If properly planned, it can energise the agricultural community. In addition it may  incentivise some part-time farmers to switch back to full-time mode.

Agritourism can be developed on the basis of agricultural activity. It immerses the tourist into an agricultural community.  In view of the fact that most agritourism ventures are generally run by the farmers themselves assisted by their immediate families the tourist will never be just another number.

For his stay, a tourist will be part of the farmer’s family.  This is just a small part of the unique experience of agritourism, irrespective of the length of stay: be it one day, one week or longer.

Most seek agritourism  for their holidays in order to be  away from the hustle and bustle of urban life. Agritourism can be linked with various other countryside and agricultural activities:  grape collection, olive picking, grape/olive pressing,  wine tasting,  bird watching, country walks or horse riding all fit in with agritourism.

It is a niche neglected for quite a long time.

Agriculture-themed activities such as the Strawberry Festival held annually in Mġarr are also part of the wider appeal of agritourism. They lay the foundations for a much wider eco-tourism policy.

In Italy, agritourism was recognised in 1985. Almost 30 years down the line it is developed and appreciated as a contributor to rural development as well as to tourism. Statistics for the year 2010 reveal that just under 20,000 agritourism operators in Italy have placed 200,000 beds on the tourism market, an average of 10 beds per operator.

In Malta, developing  agritourism almost  from scratch is a unique opportunity.  It  is also a challenge because, for some, agritourism will be just another excuse which they will try to utilise to justify more building development.  This is in my view one of the undeclared objectives of the policy review.

The ODZ policy review should aim to revitalise agriculture by providing farmers with the opportunity to increase their income through activities related to agriculture, including the provision of small scale accommodation.

Farm gate sales should be encouraged as should farmer-operated small restaurants offering local and traditional cuisine, making use of fresh produce, served directly from the farm to the fork.

Existing agricultural buildings validly built throughout the years should be properly utilised. There are quite a number of them, some having been abandoned years ago. If alterations to these buildings are required they should be considered, provided that the existing footprint of the buildings is not exceeded.

Agricultural buildings constructed illegally should not be sanctioned. Rather they should be demolished immediately.

It should be underlined that the ODZ review exercise should not be one which results in the shifting of bulldozers from an urban to a rural setting  but, rather, one intended to utilise as efficiently as possible the current stock of agricultural holdings and, as a result, benefitting first  agriculture and, as a consequence, tourism too.

If properly implemented, an agritourism policy will revitalise the agricultural community ensuring that its young generation takes charge, thereby halting its movement to other employment opportunities.

The process of revitalising agriculture through agritourism must be owned by the agriculture community in order to succeed. It must be ensured, as far as is possible, that greed and speculation, which have ruined our urban areas, converting most of them into urban concrete jungles, do not shift their attention to rural areas.  The pressure to cash-in on vacant agricultural properties will be enormous but it must be overcome.

Encouraging agritourism is a unique opportunity to plan integrated rural development. The focal point of such development must be the agriculture community and the sustainable use of natural resources. Embedding environmental responsibilities in the revised and consolidated policies applicable outside the development zones would ensure that the Maltese farmer once more actively takes up his responsibilities as the custodian of the rural environment.  This will be of great benefit not only to our present agricultural communities but future generations too.

published in The Times of Malta, Saturday September 21, 2013

L-agri-turiżmu

L-agri-turiżmu ma jfissirx li jkollna l-lukandi fil-kampanja. L-agri-turiżmu hu ġabra ta’ attivitajiet u servizzi li l-komunitajiet rurali joffru biex jiġbdu l-viżitaturi. Dan it-turiżmu hu kkaraterizzat minn negozju ta’ daqs żgħir ġeneralment immexxi  b’mod dirett mis-sidien infushom (il-bdiewa) u jkun sitwat f’żoni fejn l-agrikultura hi l-użu predominanti tal-art.

M’hemmx agri-turiżmu jekk m’hemmx ukoll l-agrikultura.

L-agri-turiżmu għandu għaldaqstant tlett karatteristċi prinċipali: iseħħ flimkien mal-ħidma agrikola, jagħti esperjenza tal-ħidma agrikola lit-turist u joħloq iktar ħidma utli u li tirrendi lin-negozju agrikolu.

L-agri-turiżmu  ma jieħux post l-agrikultura iżda hu prodott ieħor tal-istess agrikultura.  It-turist  f’dan l-ambjent għal żmien qasir jifforma parti mill-komunita’ agrikola hu ukoll għaliex jgħix għal xi ġranet f’nofs komunita’ agrikola ħajja. L-agri-turiżmu hu turiżmu sostenibbli għax l-impatti tiegħu huma posittivi. L-impatti ambjentali huma minimi. L-impatti soċjali huma tajbin. L-impatti ekonomiċi huma eċċellenti. L –impatti kulturali tiegħu joħolqu rabta mal-komunita agrikola. It-turist m’huwiex sempliċiment qed jingħata servizz iżda għal żmien qasir isir parti mill-familja agrikola.

L-agri-turiżmu hu mod kif il-bdiewa jistgħu iżidu fid-dħul tagħhom u fl-istess ħin jibqgħu jaħdmu fir-raba’ tagħhom stess.

Fil-pajjiż ġar tagħna l-Italja, l-agri-turiżmu ġie rikonoxxut fl-1985. Illum għandhom agri-turiżmu żviluppat u varjat. Fl-2010 fl-Italja madwar 20,000 operatur agri-turistiku bejthom ipprovdew 200,000 sodda lis-suq turistiku Taljan. Offrew lit-turist fl-Italja prodott varjat:  minn razzett żgħir immexxi minn familja sa servizz ta’ lussu. Kif jidher miċ-ċifri l-medja hi ta’ 10 sodod għal kull operatur. Ċara ħafna li l-operaturi tat-turiżmu agrikolu huma operaturi żgħar li filwaqt li jibqgħu għaddejjin bil-ħidma agrikola normali tagħhom iżidu ftit fix-xogħol billi jipprovdu ukoll is-servizz ta’ ospitalita’.

Il-MEPA għadha kif ħabbret illi ser tikkonsolida f’dokument wieħed il-politika ta’ l-użu tal-art barra miż-żoni ta’ żvilupp  kif ukoll dik dwar l-agrikoltura. Fost l-iskopijiet li trid tilħaq hemm li jkun inkoraġġit l-agri-turiżmu. Minnu innifsu dan hu skop tajjeb dejjem sakemm ma jintużax biex jiġġustifika iktar żvilupp ta’ art barra miż-żona ta’ żvilupp.

Hu necessarju li l-bini eżstenti fiż-żoni agrikoli tagħna nagħtuh użu li jgħin lill-komunita agrikola tissaħħaħ u per konsegwenza tkun f’posizzjoni aħjar li tħares l-art li tinħadem. Hemm bosta binjiet agrikoli abbandunati li jistgħu jerġgħu jingħataw il-ħajja kemm għall-ġid ta’ l-agrikultura innifisha kif ukoll għal turiżmu agrikolu. Huwa eżerċizzju iżda li jirrikjedi l-għaqal u l-paċenzja.

Jekk isir sewwa jagħti tifisira ġdida lill-karriera agrikola. Joħloq skop għal iktar investiment f’dan il-qasam u jiġbed’ lura lejn l-art lil bosta minn ulied il-bdiewa li dabbru rashom snin ilu. Fuq kollox jista’ jagħti l-ħajja lill-bini agrikolu li ilu mitluq għal snin twal.

Il-protagonist ta’ din il-bidla jrid ikun il-bidwi li filwaqt illi jibqa’ jaħdem l-art jew irabbi l-bhejjem jibda bil-mod joffri servizzi ġodda.

Dan hu l-mod li bih nimxu l-quddiem.

Ippubblikat fuq iNews nhar it-Tlieta 17 ta’ Settembru 2013

Learning to use chopsticks

We have been told that it is most worrying that China could acquire a share in our energy corporation. It is worrying, we are told, due to the strategic importance of the sector.

We tend to forget that Malta has plenty of foreign investments in other strategic sectors. Another one wouldn’t change much would it?

Our only airport is run by Austrians.

Gambling has been left to  Greek Intralot.  Banking is heavily influenced by global HSBC ironically originating from Hong Kong, the tip of the Chinese mainland.

The public  transport fiasco has an Anglo-German fingerprint through Arriva.

LPG Gas is controlled by Italians through GASCO.

The Freeport is controlled by a Franco-Turkish alliance for the next 65 years. (CMA-CGM and Yildirim Group)

When its Austria, Greece, Anglo-German interests, Italian investments, Franco -Turkish controls, or global HSBC then its globalisation.

The Chinese interest is part of the same process.

Obviously the details of the memorandum of understanding signed earlier this week are not yet known. Hence a proper discussion would have to wait until such details are known. There will surely be positive and negative impacts. China stands to gain. Whether Malta’s potential gains are adequate is still to be seen as we have only been fed titbits of information.

China obviously stands to gain through establishing a stronger foothold in Malta and within the EU.  Whether it will be similarly positive for Malta is still to be seen.

Some Chinese companies are world class. They provide stiff competition to international firms such as Lahmeyer International the one time consultants to the Malta Resources Authority and to Enemalta Corporation. Some of these Chinese companies have reached the same grade in World Bank blacklists !

We have been there before.

It may turn out not to be so difficult to learn to use chopsticks after all !

Int iffirmajt? X’qed tistenna?

Il-ġbir tal-firem biex jissejjaħ referendum ħalli l-kaċċa fir-rebbiegħa tispiċċa darba għal dejjem issa qabad ir-ritmu.

Erbatax-il għaqda, inkluż Alternattiva Demokratika, issa ilhom ftit ġimgħat jiġbru l-firem. In-nies, minn dak li naf u minn dak li jgħiduli, qed tirrispondi b’mod pożittiv għax il-parti l-kbira tal-Maltin jridu jipproteġu l-għasafar fl-iżjed żmien meta huma vulnerabbli, fir-rebbiegħa. L-għasafar huma l-iżjed vulnerabbli f’dan iż-żmien għax hu ż-żmien li jbejtu u jkollhom ilż-żgħar.

L-għaqdiet li qed jiġbru l-firem huma dawn:  Alternattiva Demokratika, Birdlife Malta, Coalition for Animal Rights, Din l-Art Helwa, Flimkien ghal Ambjent Ahjar, Friends of the Earth Malta, Gaia Foundation, Greenhouse Malta,  International Animal Rescue (Malta), Malta Organic Agriculture Movement, Moviment Graffiti, Greenhouse Malta, Nature Trust Malta and the Ramblers Association of Malta.

Kull min irid jiffirma l-petizzjoni  jista’  jikkuntattja xi waħda minn dawn l-għaqdiet li permezz tal-membri tagħhom qed jiġbru l-firem f’diversi partijiet ta’ Malta. Min iżda jiltaqa’ ma xi diffikulta jista’ jibgħat messaġġ fuq cashmalta2013@gmail.com u jingħata l-informazzjoni li jkun jeħtieġ.

Bejn ħbieb u interessi.

Il-ħbiberija bejn Malta u ċ-Ċina, qalulna, għandha għeruq fondi.

Imma l-pajjiżi m’għandhomx ħbieb, iżda għandhom interessi.

Huwa leġittimu li kull pajjiż jagħmel użu mill-politika barranija tiegħu biex iġib il-quddiem l-interessi tiegħu.

Dwar dak li ftehmu Malta u ċ-Ċina f’dawn il-ġranet nafu biss dak li qalulna. Iktar tard inkunu nafu iktar. Mhux bil-fors li nkunu nafu kollox.

L-emfasi tal-Prim Ministru kien fuq dak li ħadet Malta. Qagħad ukoll attent li jgħid li ċ-Ċina mhux daqstant ser tagħtina l-flus iżda ser tinvesti fl-Enemalta.

Iċ-Ċina qed tagħti għax hi konvinta li dan hu l-mod kif iddaħħal saqajha f’pajjiż membru fl-Unjoni Ewropeja.  B’dan il-mod iċ-Ċina tista’ takkwista leħen simpatetiku għaliha fil-Kunsill tal-Ministri u tista’ ukoll takkwista posizzjoni li tagħtiha vantaġġ kummerċjali , jew aħjar li tnaqqsilha l-iżvantaġġi li għandha bħalissa.

Ħaga waħda hi ċara: l-ftehim bejn Malta u ċ-Ċina mhux dwar l-enerġija. L-enerġija hi l-mod kif ser isir il-ħlas għal affarijiet oħra li dwarhom sar ftehim.  Dan mhux neċessarjament tajjeb jew bil-fors ħażin. Dan hu l-mod kif kontinwament jiftehmu l-pajjiżi.

Jekk jaqbel għal Malta hu tajjeb. Jekk ma jaqbilx mhuwiex tajjeb.

Nistennew u naraw.

Tnissil assistit

L-Ministeru tas-Saħħa ħareġ sejħa għall-offerti biex ikun jista’ jimplimenta l-liġi tal-IVF. Jew biex nitkellmu bil-Malti biex min ma jistax inissel l-ulied b’mod naturali jkun assistit biex dan it-tnissil ikun jista’  jsir.

Il-liġi Maltija dwar l-IVF bit-titlu bombastiku ta’ “Att tal-2012 dwar il-Protezzjoni tal-Embrijuni”  kienet approvat mill-Parlament li għadu kif spiċċa. Din il-liġi tirregola t-tnissil assistit u tillimitah għall-koppji miżżewġa kif ukoll għal dawk il-koppji li għalkemm mhux miżżewġa huma f’relazzjoni stabbli.  Il-liġi hi ċara għax fid-definizzjoni ta’ ġenitur prospettiv (artiklu 2 tal-liġi)   titkellem fuq koppja magħmula minn żewġ persuni ta’ sess oppost.

B’mod ċar mela il-liġi tiddiskrimina kontra koppji ta’ l-istess sess u m’hemm l-ebda dubju li attakkata fuq kriterji ta’ drittijiet umani, u preċiżament fuq il-fatt li tiddiskrimina  jkollha tinbidel b’mod li d-diskriminazzjoni li hi parti intrinsika tal-liġi titneħħa.

Li titneħħa d-diskriminazzjoni mill-liġi jkun pass tajjeb. Il-kontroversja iżda m’hiex ser tisparixxi meta titneħħa d-diskriminazzjoni. Għax id-diskriminazzjoni jkollha titneħħa f’data mhux il-bogħod. Imma mbagħad ikun meħtieġ li niffaċċjaw diversi materji ta’ kontroversja relatata. Irridu nibdew naħsbu dwarhom.

 Kif għandha tkun regolata d-donazzjoni taż-żerriegħa tar-raġel jew tal-bajda tal-mara ? Direttament bejn il-partijiet konċernati b’mod li tista’ tagħti lok għal abbuż?  Permezz ta’ bank għal dan l-iskop?  Bi ħlas jew bi pjaċir?

Xi drittijiet għandu jkollhom il-ġenituri bioloġiċi? Jiena naħseb li l-ġenituri bioloġiċi għandhom jagħtu l-kunsens tagħhom qabel ma jsir it-tnissil fil-laboratorju. Mhux sempliċement jagħtu ż-żerriegħa jew il-bajda. Mhux dan biss. Għandu jkun hemm informazzjoni sħiħa dwar l-identita’ tal-persuni involuti. Mhux informazzjoni pubblika imma informazzjoni li għandha tkun magħrufa bejn il-ġenituri bioloġiċi, l-ġenituri prospettivi u eventwalment l-ulied. M’hemmx lok għal anonimita’. Id-donazzjonijiet taż-żerriegħa tar-raġel u tal-bajda tal-mara jridu jsiru b’mod trasparenti biex kull min ikun involut ikun jaf x’inhu jagħmel u b’hekk jerfa’ sewwa r-responsabbiltajiet tiegħu/tagħha. Dan hu essenzjali l-iktar in konnessjoni ma’ mard ereditarju.  Jiena konxju li dan iwassal għall-argument dwar jekk hux etiku li nagħżlu l-ġenetika tal-ulied għax fil-prattika dan hekk ifisser. Imma din hi l-konsegwenza loġika tal-IVF miftuħa għal kulħadd.  It-tnissil tal-ulied a la carté. Punt li ma jqumx direttament bejn koppji miżżewġin jew koppji f’relazzjoni stabbli.

Hemm imbagħad l-issue tas-surrogate motherhood. Jiġifieri l-ħtieġa li mara tislef jew tikri ġufha biex twelled tarbija li m’hiex tagħha għal ħtieġa ta’ ħaddieħor.  Fil-kuntest wiesa’ tal-applikazzjoni tal-IVF din hi miżura li tista’ tkun meħtiega biex mara jkollha l-ulied (li anke jkunu bioloġikament tagħha) kif ukoll jekk l-IVF tkun tapplika għal koppji tal-istess sess.

Kif għandu jkun regolat dan is-self jew il-kiri tal-ġuf?  Dan mhux sfruttament?  Imma fl-istess ħin mingħajru l-IVF ma tistax tkun verament aċċessibli għal kulħadd.

M’għandix tweġibiet għal dan kollu. F’pajjiżi oħra d-diskussjoni bdiet. S’issa f’Malta ta’ l-inqas fil-pubbliku għad ma bdietx.

L-ebda wieħed mill-partiti politiċi f’Malta għadu ma tkellem fuq dawn l-affarijiet. Għalkemm f’ Alternattiva Demokratika iddiskutejna xi ftit internament is-suġgett l-anqas AD għad ma ħadet posizzjoni. Imma ma nistgħux nibqgħu naħarbu minn dawn l-affarijiet għax l-introduzzjoni tal-IVF ser twassalna inevitabilment biex niffaċċjawhom. Ikun aħjar jekk inkunu ippreparati.

kif ippubblikat fil-blog ta’ iNews it-Tlieta 10 ta’ Settembru 2013

F’Tal-Mirakli : theddid u twissija

(ritratt ta’ Newsbook.com.mt)

 

Dalgħodu Alternattiva Demokratika indirizzat konferenza stampa dwar il-bini li beda fl-area tal-Mirakli ġewwa Ħ’Attard fuq art li sal-2006 kienet barra miż-żona tal-iżvilupp.

Il-krew tal-PBS x’ħin kienu fi triqithom għal din il-konferenza kienu mhedda minn persuni li kienu qed jaħdmu fuq is-sit ta’ kostruzzjoni li dwaru saret il-konferenza stampa. Ara r-rapport tal-PBS hawn.

L-istqarrija maħruġa minn Alternattiva Demokratika wara l-konferenza stampa intqal kif ġej :

Il-proprjeta’ vojta: sinjal ta’ twissija

L-ammont ta’ proprjetajiet residenzjali vojta hu sinjal ta’ twissija. Bi 72,150 unit residenzjali vojt ma nistgħux nibqgħu nibnu iżjed art li sa ftit ilu kienet barra miż-żona ta’ żvilupp. Hekk qal Carmel Cacopardo, Deputat Chairperson u kelliemi ta’ Alternattiva Demokratika għall-Iżvilupp Sostenibbli u l-Intern, fl-inħawi Tal-Mirakli f’Ħ’Attard huwa u jindirizza konferenza stampa dwar il-pjani lokali u r-razzjonalizzazzjoni tal-iskemi ta’ żvilupp.

Il-konferenza stampa saret quddiem medda art li saret skedata għall-bini bħala riżultat tal-proċess ta’ razzjonalizzazzjoni li l-Gvern immexxi mill-PN wettaq fl-2006. Din l-art sa dakinnhar kienet parti minn “green belt” . Fuq din l-art fit-18 ta’ Lulju 2013 il-MEPA ħarġet permess biex jinbnew 24 garage u store fil-basement u 19 il-unit residenzjali fil-ħames sulari l-oħra (6 maisonettes, 9 flats u 4 penthouses).

Cacopardo żied jgħid li “dan kollu qed isir minkejja li preżentement f’Malta hawn 72,150 unit residenzjali vojt. Żieda sostanzjali fuq it-53,136 proprjeta’ vojta fl-2005 u l-35,723 fl-1995.”

“Alternattiva Demokratika,” kompla jgħid Cacopardo “ma taqbilx li dawn l-artijiet jinbnew. Pajjiżna ma jistax jibqa’ jissagrifika iktar art biex fuqha jinbnew iktar residenzi meta fiċ-ċensiment ta’ sentejn ilu kienu identifikati 72,150 post residenzjali vojt. M’għandniex bżonn nibnu fuq skala kbira għal ħafna snin. Fil-kuntest tar-reviżjoni tal-pjani lokali Alternattiva Demokratika jidhrilha li għad baqa’ cans żgħir biex nirrimedjaw. Dan jista’jsir billi l-iskema tar-razzjonalizzazzjoni tispiċċa u l-art li kienet hekk identifikata ma tibqax tajba ghall-bini. Huwa importanti ukoll li nifhmu li ma jagħmilx sens li jkollna iktar proġetti massiċċi ta’ żvilupp residenzjali. Il-kwantita’ ta’ propjeta’ residenzjali vakanti għandha tkun fattur ewlieni u l-bażi ta’pjani lokali ġodda.”

Ralph Cassar, Segretarju Generali ta’ Alternattiva Demokratika u Kunsillier fil-Lokalita ta’ Ħ’Attard qal li “l-bini bla rażan li għaddej kif ukoll il-fatt illi hawn numru kbir ta’ proprjetajiet vojta qed joħloq pressjoni żejda fuq l-infrastruttura tal-lokalitajiet. Ħ’Attard mhux eċċezzjoni għal dan. Il-flejjes li ser ikunu meħtiega għall-izvilupp u ż-żamma f’kundizzjoni tajba tal-infrastruttura li taqdi dawn it-72,150 post residenzjali vojt setgħu faċilment intużaw biex titjieb l-infrastruttura eżistenti. Iż-żieda fin-numru ta’ propjetajiet residenzjali vojta,” ikkonkluda Cassar, “barra milli toħloq impatti ambjentali inaċċettabbli, hi ukoll ħela ta’ fondi pubbliċi.”

Ic-Chairperson ta’ Alternattiva Demokratika, il-Prof  Arnold Cassola, ikkonkluda  billi qal: “Bil-konċessjoni ta’ żieda ta’ żewg sulari lil-lukandi, bit-tiġdid awtomatiku sa Marzu 2014 tal-permessi ta’ żvilupp li l-MEPA ħarget minn Awwissu 2006 lil hawn, kif ukoll bil-ħrug ta’ diversi permessi għal żvilupp insostenibbli bħal dak ta’ Sqaq Żbibu f’San Gwann, il-MEPA għan-nom tal-gvern qed turi bil-fatti li ma jimpurtahiex mid-drittijiet tar-residenti. Jidher li issa huwa ż-żmien tal-ħlas lura ta’ dak dovut lill-industrija tal-bini talli għenet lill-partit illum fil-gvern qabel l-elezzjoni.”

Tajjeb li ma ninsewx. Il-froġa tal-MEPA f’Wied il-Għasel il-Mosta

Din hi froġa oħra tal-MEPA li saret fl-2009. Dakinnhar ħareġ il-permess tal-iżvilupp f’Wied il-Għasel il-Mosta, taħt il-pont ħdejn Casa Arkati.  L-anqas fl-appell ma nbidlet d-deċiżjoni.

L-effett ta’ dik id-deċiżjoni issa beda jidher.

Araw ftit.

Fil-bidu, qabel il-froġa tal-MEPA, hekk kienu l-affarijiet:

 

Tneħħiet il-ħamrija, tqatta’ l-blat ……………………..

 

 

……….. u iktar blat …………

 

 

u issa araw ftit x’għandna:

 

 

Dan hu l-kontribut tal-industrija tal-bini lill-pajjiż. Inkomplu inżidu mat-72,150 post reżidenzjali vojt.

 

Froġa oħra tal-MEPA.