Nafu s’issa t-tlett slogans għall-elezzjoni:
tal-Partit Laburista : Malta Tagħna Lkoll
tal-Partit Nazzjonalista : Futur fis-Sod
ta’ Alternattiva Demokratika : Magħna taf fejn qiegħed.
Dawn is-slogans ifissru fi 3 jew 4 kelmiet il-qalba tat-tlett programmi elettorali.
Ir-realta’ hi li t-tlett slogans flimkien jiġbru dak kollu li jeħtieġ il-pajjiż.
Kulħadd għandu jkun ċar u jindirizza l-issues reali mingħajr ma joqgħod jistaħba wara subgħajh u jdur mal-lewża. Iċ-ċarezza hi fundamentali għall-onesta’ politika tal-partiti – għalhekk AD tinsisti li “magħna taf fejn qiegħed.”
Jekk kulħadd ikun ċar il-futur tagħna lkoll ikun fis-sod għax inkunu nistgħu nassiguraw li Malta hi tagħna lkoll.
