Smajt lill-Avukat Gonzi jgħid li donnu Dottor Joseph Muscat għandu l-flus ħerġin minn widnejh. Dan qalu meta kien qed jikkummenta dwar il-gimmick tax-xandira tal-Labour f’nofs il-lejl biex iħabbrilna l-bidu tal-kampanja elettorali u s-slogan tal-PL għall-elezzjoni.
Ftakart ftit meta l-Avukat l-ieħor, Pawlu Borg Olivier, kien qalilna li l-PN fqir ħafna ħdejn il-Partit Laburista.
U ngħid jiena mela x’kien qed iżomm lill-Avukat Gonzi milli jagħmel liġi dwar il-finanzjament tal-partiti?
In-nuqqas tal-PN f’dan il-qasam hu l-kawża ta’ ħafna mill-gwaj fil-politika. Din hi waħda minn dawk l-affarijiet li dwarhom Franco Debono kellu raġun.
U bilħaqq, jista’ xi ħadd jispjegali ftit kif partit li jgħid li hu fqir jonfoq dawk il-flejjes kollha fil-billboards? Għal dawn ma ntefqux euro jew tnejn!
Blog ta' Carmel Cacopardo 
Perit Cacopardo, inti jmissek taf (infatti jien cert li taf) li Lawrence Gonzi jilghaba ta’ anglu pero jagixxi dejjem fl-interess politiku tal-partit. Jien lili din il-haga li l-aktar li ddejjaqni fih. Qabel kont nahseb li hu alla ta l-allat, korrett, bi principji sodi.
Meta uza flus il-poplu ghal skopijiet politici (kien ta eluf ta’ Liri Maltin lill-ex Ministri u wara waqqaf il-kritika tal-backbenchers billi tahom ma’ l-10,000euro sabiex jahdmu ‘part-time’ fil-Ministeri) lili nehhili kull fiducja fih.
Din tal-finanzament tal-Partiti veru Skandlu. Bhal ma hi n-nuqqas tal-Whistleblower Act.
Heqq, ikollna nittamaw li jkun hemm tibdil fis-sistema politika f’pajjizna!