Dom Mintoff

Il-mewt ta’ Dom Mintoff bla dubju tnissel ħafna reazzjonijiet.

Il-bniedem kien il-kawża ta’ kontroversji waqt ħajtu u bla dubju jibqa’ jkun ta’ kontroversji wara mewtu u dan għal snin twal.

Bosta, inkluż jien, kitbu dwaru u dwar il-ħidma tiegħu bi kritika għal din il-ħidma.

Għalkemm il-ħidma tiegħu kienet kontroversjali u bosta drabi b’metodi mhux aċċettabbli jibqa’ l-fatt innegabbli li Dom Mintoff għal snin twal ta’ servizz lill-Malta biex iġibha l-quddiem. Ta’ ħin u saħħtu għal iktar minn 50 sena u kompla fejn ħalla Pawlu Boffa fl-iżvilupp tas-servizzi soċjali.

L-aħħar kontribut politiku tiegħu wassal biex Malta daħlet fl-Unjoni Ewropeja. Għal dan għad jibqgħulu grati l-ġenerazzjonijiet futuri.