(4) Il-Partit Progressiv ; fejn hu ?
Il-Partit Laburista għandu mexxej li stqarr li personalment hu favur id-divorzju imma jemmen li jrid iħalli lil kulħadd fil-liberta’ li jiddeċiedi skond il-kuxjenza.
Posizzjoni nobbli ħafna kieku, sakemm tinduna għalfejn.
Għax Joseph Muscat qiegħed f’dilemma. Jemmen li bħala partit “progressiv” mhux biss għandu jkun favur id-divorzju imma għandu jkun fuq quddiem. Imma rrealizza li fuq din il-materja l-partit tiegħu m’hu progressiv xejn : hu konservattiv daqs il-PN.
Issa mill-PN tistenniha. Kien konsistenti ma dak li stqarr tul is-snin. Ngħiduha kif inhi: qatt ma stennejt li l-PN ikun favur id-divorzju. Forsi hemm xi żewġ membri parlamentari oħra li huma favur id-divorzju imma iddeċidew li joqgħodu lura. Imma xejn iktar mill-PN. Diġa qalu izjed milli mistenni Jeffrey Pullcino Orlando, Jesmond Mugliette u Karl Gouder.
Imma minn partit li jiddeskrivi lili nnifsu bħala “soċjalista, progressiv u moderat” kont nistenna mod ieħor. Li jkollok Membru Parlamentari wieħed jew tnejn li jaħsibha differenti wieħed jistenniha. Imma li l-parti l-kbira tal-Membri Parlamentari tal-Labour qed jaħsbuha, jistudjaw, għadhom ma qrawx il-liġi ……. tindika affarijiet oħra.
Qiegħed jirriżulta li l-Partit Laburista taħt Joseph Muscat huwa partit konservattiv.
Blog ta' Carmel Cacopardo 
I really think that JPO and the other two MPs should bolt the PN and form another Party. If they believe so strongly in this issue of Divorce there is no room for them in the PN. If they make their case I don’t see why the electorate would not support them in a future election. But then am I too far removed from the local scene to really judge the mood of the local voters?