Qiegħed naqra t-Times tal-lum. Jidher li l-Gvern stenbaħ dwar l-ilma.
Fid-dokument pre-budget għall-2011 hemm dikjarazzjoni li ser tibda tiġi applikata l-liġi dwar postijiet li m’għandhomx bir skond il-liġi.
Din il-liġi li qed jirreferu għaliha ma saritx issa. Ilha hemm mill-1880.
Bosta residenzi li nbnew mis-snin 60 lil hawn m’għandhomx bir. Oħrajn li nbnew qabel għandhom il-bir mirdum.
Fost dawn hemm ħafna postjiet li bena l-Gvern. Mhux biss dawk li nbnew fis-snin 70 u 80 u 90 biss. Imma anke’ dawk li nbnew aktar reċenti ukoll.
Il-ġimgħa l-oħra stess kont f’post li nbena fl-2003-04 mill-Awtorita tad-Djar. Jikkonsisti f’‘numru ta’ maisonettes li tqassmu f’Pembroke wara sejħa pubblika li saret. Ikoll bla bir.
Issa naraw jekk il-Gvern huwiex ser jibda jirranġa l-problemi li ħoloq huwa stess meta m’għamilx bjar fil-postijiet li bena jew kien responsabbli għalihom huwa.
L-iżviluppaturi f’diversi każi gew jaqgħu u jqumu mill-bjar. Imma l-Gvern ma mexiex wisq aħjar!
Għal iktar spjegazzjoni tista’ tara s-segwenti fuq dan il-blog :
23 ta’ Mejju 2010 Water: A Long-Term View
17 ta’ Jannar 2009 The cost of incompetence
17 ta’ Novembru 2008 L-ilma tax-xita
8 t’Ottubru 2008 Sa fl-aħħar : strateġija dwar l-ilma.
Blog ta' Carmel Cacopardo 
Jekk xi bir taz-zejt tal-BP jisplodi fl-ibhra tal-Libja u jhammeg il-kosta Maltija, hemm cans tajjeb li nispiccaw bla ilma fil-vit. U jkun difficli hafna li il-Maltin jiehdu xi forma ta’ kumpens. Waqt li il-ligi internazzjonali tipprovdi mekkanismu ta’ kumpens facli jekk iz-zejt jigi minn tanker li jgorr iz-zejt, ikun ferm difficli li xi hadd jikkumpensa lill Maltin jekk ma jkunx involut tanker. Il-BP kellhom ibaxxu rashom fil-konfront ta’ Obama u id-Deepwater Horizon. Ma nahsibx li il-BP se jhabblu mohhhom hafna fil-konfront ta’ Lawrence Gonzi jew Joseph Muscat. Ikun ghaqli li il-Gvern Malti jistenbah illum qabel ghada.