L-Irlanda tgħid le għat-trattat ta’ Lisbona

 

 

 

Fil-ħin li qiegħed nikteb dan il-post bdew ħerġin l-ewwel riżultati tar-referendum fl-Irlanda dwar it-trattat ta’ Lisbona. Jidher li dawk li vvutaw (53.1% ta’ elettorat li jammonta għal 3 miljuni) rrifjutaw it-trattat b’53.4% jivvutaw kontra u 46.6% jivvutaw favur.

 

Dan huwa l-uniku referendum li sar fil-pajjiżi tal-EU dwar ir-ratifika tat-trattat ta’ Lisbona.

 

Il-gazzetti online, fosthom : it-Times ta’ Londra , it-Times ta’ Maltal-Guardian , u stazzjonijiet tat-TV bħall- BBC  u tant oħrajn bdew jikkummentaw fuq ir-riżultat .

 

Minkejja dak kollu li ser jingħad dan m’huwiex vot kontra l-Unjoni Ewropeja, iżda vot kontra t-trattat ta’ Lisbona. Waqt id-dibattitu pubbliku l-argumenti li nġiebu juru l-biżgħat ta’ dawk li vvutaw u kkampanjaw għal vot kontra, fosthom il-biża’ dwar l-legalizzazzjoni ta’ l-abort u il-biża’ dwar l-introduzzjoni ta’ rata ta’ tassazzjoni uniformi li ddgħajjef il-posiżżjoni tal-Irlanda li għandha rata ta’ taxxa tal-kumpanji baxxa.

 

 

It-trattat ta’ Lisbona fir-realta jipprovdi fost oħrajn għas-segwenti :

1)      President tal-EU għal sentejn u nofs flok rotazzjoni bejn il-pajjżi membri kull sitt xhur,

2)      Rappreżentant speċjali tal-EU għall-affarijiet barranin (foreign policy chief),

3)      Kummissjoni Europea iżgħar mill-2014 il-quddiem; dan ifisser li terz tal-pajjiżi membri ma jkollhomx Kummissjarju għal perjodu ta’ 5 snin minn kull ħmistax il-sena,

4)      Iżjed poteri lill-Parlament Ewropew, u per konsegwenza inqas poteri lill-Kummissjoni Ewropea u lill-Kunsill tal-Ministri,

5)      Jitnaqqas id-daqs tal-Parlament Ewropew biex ikollu numru massimu ta’ membri li ma jeċċedix is-751 (preżentment għandu 785),

6)      F’50 qasam jitneħħa l-obbligu ta’ qbil unanimu biex ikun hemm deċizjoni fil-Kunsill tal-Ministri, jiġifieri f’dawn l-oqsma jitneħħa d-dritt ta’ kull pajjiż membru għal veto; ir-Renju Unit u l-Irlanda ingħataw opt out fl-oqsma tal-Pulizija u l-Ġustizzja; kien ser jibqa’ d-dritt tal-veto fl-oqsma tal-affarijiet barranin u d-difiża, s-sigurta soċjali, it-tassazzjoni u l-politika kulturali.

 

Probabilment li ħafna nies ma tantx fehmu x’inhu t-trattat ta’ Lisbona u vvutaw dwar kif jaħsbuha fuq dak li kienu qed jisimgħu. F’dan il-kuntest il-kampanja ta’ misinformazzjoni li f’dawn iċ-ċirkustanzi hu inevitabbli li ssaħħan xi ftit l-irjus għelbet il-miżien.

Advertisements

One comment on “L-Irlanda tgħid le għat-trattat ta’ Lisbona

  1. Thank you for telling us in a nutshell more about the Treaty than we found available in most of the other media! Your objectivity shows when you state that the Irish did not vote against the E.U. but against the new Treaty that was presented. Well done!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s