Papandreou : 5 proposti ambjentali għall-Opposizzjoni Griega

 

 

 

Is-Soċjalisti Griegi, l-PASOK fl-Opposizzjoni, ukoll qed jitkellmu favur l-Ambjent. Issa kulħadd favur !

 

George Papandreou f’attivita’ f’Ateni ippreżenta ħames proposti għall-ambjent.

 

1)      Irid iwaqqaf Ministeru li jkun responsabbli għall-Ambjent biss,

2)      Irid jinkuraġixxi l-konservazzjoni tal-enerġija in partikolari fit-trasport u fil-bini, kif ukoll jgħin lil intrapriża biex tieħu miżuri ta’ fejda ambjentali,

3)      Irid pjan strateġiku ġdid għall-kampanja għax qed jgħid li l-konservattivi tan-Nea Demokratia qed jinkuraġixxu l-individwaliżmu u jgħalqu għajnejhom għall-ksur tal-liġi – kulħadd jagħmel li jrid,

4)      Stieden lill-partiti l-oħra tax-xellug għall-kooperazzjoni mas-soċjalisti dwar politika ambjentali komuni,

5)      Emfasizza li l-ġustizzja soċjali u l-ħarsien tal-ambjent għandhom jimxu id f’id għax il-ħsara ambjentali l-ewwel li teffettwa hu lill-faxx t’isfel tas-soċjeta, jiġifieri dawk li diġa huma mgħaffġa jitgħaffġu iktar.