L-Onorevoli Lawrence Gonzi qed iħawwad

 

It-Times tal-lum qaltilna li għall-Gvern ir-responsabbilta għall-iżvilupp sostenibbli hi fl-għola livell.  Jiġifieri minħabba l-fatt li l-iżvilupp sostenibbli hu responsabbila’ tal-Prim Ministru Lawrence Gonzi jfisser, suppost, li l-Gvern qed jagħtiha l-ikbar importanza.

Ir-realta sfortunatament hi bil-bosta differenti għax fil-materja l-Onorevoli Gonzi wera ruħu inkompetenti bil-kbir. Raqad raqda kbira ta’ l-inqas mill-2008 lil hawn. Ma għamel xejn ħlief paċpaċ. Paroli biss.

Fl-istess nifs li l-Onorevoli Gonzi jgħidilna kemm il-Gvern qalbu taħarqu għall-iżvilupp sostenibbli ninsabu infurmati li l-Kummissjoni Nazzjonali għall-Iżvilupp Sostenibbli ilha ma tiltaqa’ sa mill-2006! Mhux biss, talli l-Gvern issa xoljiha.

U dan Gvern li jgħid li moħħu hemm u li qed jagħti l-importanza lill-iżvilupp sostenibbli.

Li kieku ma jagħtix każ mela x’jagħmel ?

U ħallina. Ir-realta’ hi waħda sempliċi. M’għandekx idea x’inti tagħmel.

Politka tan-Ngħam

 

Il-politika tal-Gvern dwar l-attivita nukleari fil-Mediterran hi politika tajba għan-ngħam. Ta’ min ideffes rasu fir-ramel biex ma jismax u ma jarax.

 

Fi tmiem il-ġimgħa l-oħra kien ippubblikat artiklu fil-gazzetta Taljana  Il Sole 24 Ore iffirmat mill-ġurnalista Federico Rendina. L-artiklu ntitolat Il Governo rilancia sull’atomo. Berlusconi: contatti per costruire centrali nucleari nei Paesi vicini. jimplika li Berlusconi qed jipprova jħajjar pajjiżi bħal Malta, l-Montenegro u l-Albania biex fihom jinbena impjant nukleari.

 

Wara tlett ijiem ta’ skiet u biss wara li AD ġibdet l-attenzjoni għall-artiklu, d-DOI ħareġ ċaħda li l-materja qatt kienet diskussa. Kompla biex qal li l-AD kienet irresponsabbli talli fil-publiku ġibdet l-attenzjoni għal dan l-artiklu. Il-fehma tiegħi hi li huwa rresponsabbli l-politiku li bħan-nagħma jdaħħal rasu fir-ramel u jibda jemmen li dak li hu m’huwiex jara ma jeżistix.

 

X’ser jiġri iktar dwar il-proġett nukleari Taljan għad irridu naraw.

 

 

Imma llum hemm oħra fil-gazzetti. Kummenti dwar iż-żjara tal-President tar-Repubblika fil-Libja. Il-ġurnalisti huma interessati fil-kwistjoni tal-impjant nukleari tal-Libja, għax bdew jifhmu kemm huma gravi l-konsegwenzi fuq Malta “jekk” xi ħaġa tmur ħażin meta jibda jopera l-impjant nukleari Libjan.

 

Karl Schembri għall-Malta Today minn Tripli jirrapporta li uffiċjal Malti qallu li l-kwistjoni nukleari hi “a non-issue” li tinteressa biss lill-media!

 

Mark Micallef għal The Times minn Tripli ukoll jirrapporta li l-Gvern m’għandu l-ebda intenzjoni li jqajjem mal-Libja l-kwistjoni nukleari.

 

Il-politika tal-Gvern Malti dwar in-nukleari fil-Mediterran hi politika għan-ngħam. U l-Opposizzjoni ? Billi qed jiżviluppa consensus fuq il-politika barranija, l-Opposizzjoni baqgħet ħalqa magħluq hi ukoll !

It-taxxa tar-registrazzjoni tal-karozzi

 

Kulħadd f’daqqa waħda qed jitkellem favur l-ambjent. Din m’hiex xi ħaġa ħażina. Pero jekk dan ifisssirx li ser nimxu il-quddiem jew le għad irridu naraw. Irridu naraw kif il-kliem ser jinbidel f’fatti.

Għalissa, 4 ġimgħat wara l-elezzjoni għadu ftit kmieni.

It-Times illum f’artiklu intitolat Car Tax Reform Gathers Speed ħabbret li mhux il-bogħod li jkunu magħrufa l-proposti tal-Gvern għal riforma tat-taxxa dwar ir-registrazzjoni tal-karozzi. Il-Ministru Tonio Fenech ġie rappurtat li qal li din it-taxxa ser tkun ibbażata fuq l-emmissjonijiet (tal-karozzi).

Dettalji iktar għalissa m’hemm xejn ħlief il-kumment tat-Times li din ir-riforma tista’ twassal għal karozzi li jkunu iktar irħas fil-prezz. Jekk dan li jkollna karozzi iktar irħas iseħħx jew le m’huwiex faċli li tgħidu f’dan l-istadju. Għax dan ser jiddependi mid-dettalji tar-riforma kif ukoll minn jekk it-taxxa titħallasx f’daqqa meta tinxtara l-karozza, inkella jekk tkunx waħda li titħallas kull sena skond kif tvarja l-emissjoni tal-karozza!

Il-Gvern kien ħabbar din ir-riforma fid-diskussjoni ta’ qabel il-budget madwar tlett snin ilu. Minn dakinnhar lil hawn kien hemm pressjoni mill-Unjoni Ewropea dwar il-ħlas ta’ registrazzjoni in konnessjoni ma’ karozzi second hand. Ir-rati li jitħallsu illum huma meqjusa diskriminatorji meta tqabbilhom ma dawk li jitħallsu dwar karozzi ġodda.

Minn dak magħruf s’issa ħareġ punt posittiv. Li r-riforma li ser issir m’hiex ser tkun limitata għall-aspett fiskali iżda ser tindirizza ukoll l-aspett ambjentali. Dan hu tajjeb għax l-aħħar rapport dwar l-istat tal-ambjent f’Malta iqiegħed lit-transport fuq nett fil-lista ta’ dak li huwa problematiku f’pajjiżna.

Dan l-eżerċizzju hu sfida kbira. Nittama li jirnexxi.

No comment

Today’s Malta Independent reported the Prime Minister  Lawrence Gonzi as having stated the following in yesterday’s mass meeting :

“Speaking about the government’s commitment    to improve the country’s environment, Dr Gonzi appealed to all those with a genuine interest in this sector to join the government to find the best way in favour of sustainable development.”

MEP Simon Busuttil in his weekly article published in The Times today was more specific and stated that :

” There is no doubt, for instance, that AD has managed to put the environment at the very top of the PN’s political agenda. And I hope that my party will reach out to AD activists whose good ideas and positive energy can be successfully applied to the benefit of the country. This will not be easy given the acrimony of the final days of the campaign. But nor is it impossible. This is the time for magnanimity, not for pettiness.”

There is no need for any comment on my part !